12 апр 2016 12:32Хабарҳои ҷаҳон / Иҷтимоӣ

Аз шоҳзодаи араб то кайҳоннаварди малайзиягӣ: 9 мусалмоне, ки ба кайҳон рафтаанд

Имрӯз, 12 апрел аз парвози нахустин инсон ба кайҳон 55 сол сипарӣ мешавад. Ба ҳисоби М.Субару, раҳбари кулли оҷонсии миллии кайҳонии Малайзия, дар ин муддат бештар аз 500 нафар ба кайҳон парвоз кардааст, ки миёнашон ҳашт мусалмон низ ҳаст.

Бино ба иттилои ӯ, Шоҳзодаи Арабистони Саудӣ -- Султон ибни Салмон соли 1985 ба ҳайси аввалин мусалмон ба кайҳон парвоз кардааст. Дуюмин нафар Форис Муҳаммад Аҳмад, кайҳоннавард-муҳаққиқи киштии кайҳонии “Союз ТМ-3” мебошад, ки моҳи июли соли 1987 ба кайҳон рафт. Пас аз бозгашт ин кайҳонаварди суриягиро бо ҷоизаи “Қаҳрамони Иттиҳоди Шӯравӣ” ва медали “Ситораи Сурх” қадр карданд. Манаров Мусо Хиромонович бошад, аз 21 декабри соли 1987 то 21 декабри соли 1988 дарозтарин парвози кайҳониро анҷом додааст. Ӯро “рекордсмен”-и тӯлонитарин парвоз (365 рӯзу 23 соат) эътироф кардаанд. Ин кайҳонварди доғистонӣ аз 2 декабри соли 1990 то 26 май 1991 дуввумин парвозашро анҷом дод.

Ба ин тартиб, Моманд Абдулаҳад, кайҳонаварди афғон соли 1988 ба кайҳон парвоз карда, ба унвони “Қаҳрамони Иттиҳоди Шӯравӣ” даст ёфт. Соли 1991 кайҳоннаварди қазоқ -- Аубакиров Токтар Онгарбаевич ва соли 1994 Мусобоев Талгат Амангелдиевич, доктори илмҳои техникӣ парвози кайҳонӣ анҷом додаанд. Шарипоф Солиҷон Шакирович, узбектабори шаҳрванди Русия соли 1998, Ануша Ансорӣ, кайҳоннаварди эронитабори амрикоӣ соли 2006 ва Шукор Шайх Музафар кайҳоннаварди малайзиягӣ соли 2007 ба кайҳон парвоз кардаанд.

Мӯҳр

Хабарҳои монанд:

Аз сиёхчолахо

Мусалмонон ба кайхон намераванд мусулмононро мебаранд ба кайхон ва нишон медиханд ки осмоне вучуд надорад кадом осмон!? ва ёд медиханд ки дар манзумаи шамсии мо чихо хаст чи тур мечарханд ки аз ин пеш на китоби диниашон на хеч мулояшон чавоби дурутс надода факат як навъе сухан гуфта ки на ха хаст на не ва нишон медиханд ки дар он чое ки номаш осмон ва ё само хаст заминро хам дар осмон мебини ва кахкашонхо на он чизе ки дар гузашта иддао мешуд балки факат он чизе ки мо мебинем ё расад шуда 400 миллирад кахкашон ва хар кадом сохиби аз 200 то триллион ситораву сайёра доранд

Ҷавоб диҳед Иқтибос Шикоят

Дед

Аз сиёхчолахо,
Ай худо тарс бародари ё хохари ба и гапут

Ҷавоб диҳед Иқтибос Шикоят

точик

камтар шарм кунеду ба гузари кордгарони истаравшан равед

Ҷавоб диҳед Иқтибос Шикоят

Эзоҳ илова кунед