Русский  >>  فارسی  >>  Панҷшанбе 22 июн 2017, 21:37

Боздошти Саидов бо 30 ҳазор $ ва ҳушдори Хадамоти гумрук

16 апрел 2016, 13:38

Хадамоти гумруки Тоҷикистон аз боздошти Саидов.А.Х, мусофири хатсайри Душанбе-Урумчӣ хабар додаст, ки дар қасди интиқоли ғайриқонунии 30 ҳазор доллари амрикоӣ муттаҳам мешавад.

Тибқи иттилои Хадамоти гумрук 30 ҳазор доллари Саидов ҳангоми санҷиши такрорӣ аз ҷониби кормандони гумруки «Майдони ҳавоӣ» ва Прокуратураи нақлиётии кишвар аз кисаи ин мусофири хатсайри Душанбе-Урумчӣ дарёфт шудаанд. Манбаъ мегӯяд, аз рӯи ҳолати мазкур аз ҷониби Прокуратураи нақлиёти Тоҷикистон бо моддаи 289, қисми 2 парвандаи ҷиноятӣ оғоз гардида, тафтишот идома дорад.

Хадамоти гумрук таъкид мекунад, ки барои шаҳрвандони Тоҷикистон интиқоли асъори хориҷӣ то 3 ҳазор доллар иҷозат дода мешавад ва барои интиқоли асъори аз ин бештар ба хориҷ мусофирон бояд онро аз қайди гумрукӣ (декларация) гузаронанд: “Бояд мақсади берун бурдани пул мушаххас гуфта шавад. Ин талабот барои шаҳрвандони хориҷӣ низ дар назар дошта шудааст ва онҳо низ ҳангоми кору фаъолият дар Тоҷикистон ин тартиботро бояд риоя кунанд”.

Ифтитоҳи парванда аз рӯи моддаи 289 қисми 2 дар ҳолест, ки ин бахши Кодекси ҷиноӣ чунин муқаррар кардааст: Аз сарҳади гумрукии Ҷумҳурии Тоҷикистон гузаронидани воситаҳои нашъадор, моддаҳои психотропӣ, прекурсорҳои онҳо, моддаҳои сахттаъсир, заҳролуд, заҳролудкунанда, радиоактивӣ, тарканда, аслиҳа, воситаҳои таркиш, силоҳи оташфишон, лавозимоти ҷангӣ ё муҳимоти ҳарбӣ, силоҳи зарравӣ, химиявӣ, биологӣ ё дигар намуди силоҳи қатли ом, мавод ва таҷҳизоте, ки барои сохтани силоҳи қатли ом истифода шуданашон мумкин аст, ҳамчунин маводи ашёи аз ҷиҳати стратегӣ муҳим, осори бадеӣ, таърихӣ, бостоншиносӣ ё арзишҳои дигари фарҳангӣ, ки нисбат ба онҳо қоидаҳои махсуси гузаронидан аз тариқи сарҳади гумрукии Ҷумҳурии Тоҷикистон муайян гардидааст, агар ин кирдор бидуни назорати гумрукӣ ё пинҳонӣ аз назорати гумрукӣ ё бо истифодаи фиребгаронаи ҳуҷҷатҳо ё воситаҳои ҳаммонандкунии гумрукӣ ё бо декларация накардан ё декларациякунонии сохта содир шуда бошад,- бо маҳрум сохтан аз озодӣ ба мўҳлати аз панҷ то даҳ сол ҷазо дода мешавад.


Боздошти Саидов бо 30 ҳазор $ ва ҳушдори Хадамоти гумрук

Боздошти Саидов бо 30 ҳазор $ ва ҳушдори Хадамоти гумрук


Шарҳи худро бинависед:

Ном:*
E-Mail:
Матни шарҳ:
Посух додан
  • беном

  • 16 апрел 2016 23:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
о мемири тувори соибкор бо банк гузарони пулата

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!