Шӯрои уламо дар бораи тарзҳои гуногуни намозгузорӣ: Қуръон чӣ мегӯяд?
Шӯрои уламои Маркази исломии Тоҷикистон дар шарҳи сабаби бо усулҳои гуногун намоз гузоштани мусалмонҳои ҷаҳон изҳор доштааст, ки дар Қуръони карим тарзи хондани намоз баён нашудааст.
Як корбари сомонаи Шӯрои уламо суол гузоштааст, ки чаро мусулмонони тамоми ҷаҳон ҳар гуна намоз мехонанд, дар сурате, ки як Қуръон доранд: “Оё дар Қуръони карим Худованд ба як тарз хондани намоз дастур надодааст?”
Дар посух Шӯрои уламои Тоҷикистон изҳор доштааст, ки дар Қуръони карим фарзияти намоз зикр шудааст, аммо тарзи чигуна намоз хондан баён нашудааст: “Қуръони карим аслан ба масоили умда (яъне аслӣ) ишора менамояд, тарзи хондани намоз аз ҷумлаи масоили ҷузъӣ маҳсуб мешавад, ки он ба ривояти ҳадисҳои набавӣ алоқа дорад. Бинобар ин, муҷтаҳидони ҳар мазҳаб мувофиқи ин ҳадисҳои ривоятшуда ва иҷтиҳодашон аз ҳадис усули хоссе тартиб додаанд, ки бар асоси он пайравонашон намозро мегузоранд”.
Ин ниҳоди умури дини Тоҷикистон бо такя ба китоби “Тақлид ва иҷтиҳод” барои оммаи мардум зарур хондааст, ки дар тарзи намозгузорӣ аз муҷтаҳид, яъне аз соҳиби мазҳаби худ пайравӣ кунанд: “Зеро ки мазҳаб дар тӯли садсолаҳо намозгузорон ва мусулмононро ба ҳам муттаҳид кардааст”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |