19 апр 2016 11:10Тоҷикистон / Сиёсат / Дидгоҳи хос / Тема дня

Муовини пешини Бег Сабур дар "соҳибкории ғайриқонунӣ аз ҷониби гуруҳи муташаккил" гумонбар мешавад

Нисбати Қадамҷон Сафизода, мудири Маркази технологияҳои иттилоотӣ ва коммуникатсионии Дастгоҳи иҷроияи Президенти Тоҷикистон бар пояи моддаи 259 (қисми 2)-и Кодекси ҷиноӣ (соҳибкории ғайриқонунӣ аз ҷониби гуруҳи муташаккил) парванда боз шудааст.

Дар сурати исботи гуноҳ ӯро ҷарима дар ҳаҷми то 900 нишондиҳанда барои ҳисобҳо ё аз се то панҷ соли маҳрумият аз озодӣ таҳдид мекунад. Бино ба иттилои Радиои Озодӣ, талаби “пора” ва дигар гумонҳо алайҳи ӯ собит нашудаанд.

Қадамҷон Сафизода, ки 34 сол дорад, 3 апрели соли равон дастгир шуда, дар Боздоштгоҳи №1-и Душанбе нигаҳдорӣ мешавад. Амри Эмомалӣ Раҳмон, раисиҷумҳури кишвар барои аз кор озод кардани Сафизода 4 апрел содир шудааст. "Сафизода Қадамҷон Исмат аз вазифаи мудири Маркази технологияҳои иттилоотӣ ва коммуникатсионии Дастгоҳи иҷроияи Президенти Ҷумҳурии Тоҷикистон озод карда шавад",-омадааст дар ин амр, аммо сабабҳои он шарҳ дода нашудааст.

Озодӣ бо такя ба манобеаш хабар дод, ки Қадамҷон Сафизода дар "истифодаи нодурусти маблағҳо" гумонбар дониста мешавад ва парвандаи ӯро муфаттишони Вазорати корҳои дохилӣ ҳамроҳ бо муфаттишони додситонӣ дар ихтиёр доранд.

Қадамҷон Сафизода вақте ҳамагӣ 23 сол дошт, ба Хадамоти алоқаи назди ҳукумати Тоҷикистон ба кор рафт ва баъди се сол дар курсии муовини раиси ин ниҳод такя зад. 14 январи соли 2012 дар 30-солагӣ мудири Маркази иттилоотию техникии Дастгоҳи иҷроияи президенти Тоҷикистон таъин гардид.

Мӯҳр

Хабарҳои монанд:

муфатиш

"сохибкории гайриконуни аз чониби гурухи муташаккил". чиноят, ки гурухи бошад, дигаронаш ки бошанд?

Ҷавоб диҳед Иқтибос Шикоят

Собир

Бачаи ояндадор буд, худашро хайф кардааст

Ҷавоб диҳед Иқтибос Шикоят

хаткашон

хамаи ин корхо окибат надорад вакте нерухои зехниро боздошт намуда, дар як руз нисбаташон чанд гумону шубхахо пахш мешавад. Аз 3 апрел ки ягон далели мушаххас пайдо нашуд озод мешуд бачаро ба бозихо калон даровардан чи лозим

Ҷавоб диҳед Иқтибос Шикоят

Хоркаш

муфатиш,
Дигаронаш соҳибдор будагӣ. Крайни ҳамии бачача ғалтидагиш.

Ҷавоб диҳед Иқтибос Шикоят

Душанбенец.

Ин бача сахт ва зуд парвози кори кардаасту зуд ба поин афтидааст. Ин кас ба фикрам хешамон нест вагарна уро ба кори дигар мегузарониданд, яъне чоиивазкуни мекарданд, ки холо дар хукумати кишвар 25- сол мода шудааст. Ин якумин тагироти кадри, ки аз кор озод шудааст на чойиваз кардааст.

Ҷавоб диҳед Иқтибос Шикоят

Довуд

Ба "Собир"

Агар ту хам аз хешовандони Абудчаббор Азизов мебуди "ояндадор" мешуди ва хайф намешуди........

Ба "Хаткашон"
Чи гуна "неруи зехни". Ту дар бораи ки гап зада истодаи.

Ҷавоб диҳед Иқтибос Шикоят

Эзоҳ илова кунед