Русский  >>  فارسی  >>  Якшанбе 19 ноябр 2017, 02:20

Даъвати Латифи Пидром барои истеъфои ҳукумат ва ҳушдораш аз майдоншинии мардум

20 апрел 2016, 15:05

Латифи Пидром, раиси Шӯрои олии ҳамбастагии тоҷикони Афғонистон ва намояндаи мардуми Бадахшон дар парлумони он кишвар хостори истеъфои ҳукумати Ваҳдати миллӣ шудааст.

Ӯ дар пайи ҳамлаҳои террористии ахир дар Кобул аз минбари парлумон дар хитоб ба раҳбарони ҳукумати Афғонистон гуфтааст, “беҳтарин хидмате, ки масъулони ин, ба истилоҳ давлат метавонанд барои мардуми Афғонистон бикунанд, ин аст ки ҳар чӣ зудтар истеъфо бидиҳанд”.

Ба гуфтаи Сиддиқ Сиддиқӣ, сухангӯи Вазорати умури дохилаи Афғонистон дар ҳамлаи интиҳории 19 апрели Кобул 30 тан кушта ва ҳудуди 320 нафар захм бардоштанд. Ин инфиҷори маргбор дар наздикии бинои амнияти Афғонистон рух додааст. Тибқи гуфтаи Сиддиқӣ, ин ҳамла тавассути ду тан аз террористон сурат гирифт, ки яке мошинро мунфаҷир сохта ва дигарӣ пас аз даргирӣ бо неруҳои амниятӣ аз байн бурда шудааст.

Латифи Пидром, ки раҳбари Ҳизби кунгураи миллии Афғонистон ҳам ҳаст, аснои суханронияш дар парлумон гуфтааст, бо истифода аз роҳҳое, ки дар қонун дарҷ шудааст, бояд барои поён додани давлати феълӣ тасмим гирифта шавад: “Ё давлати мувақат эҷод шавад ё Шӯрои миллӣ аз салоҳиятҳои худаш барои ин кор истифода кунад”. Дар сурати акс, ин намояндаи парлумон ҳушдор медиҳад, ки “мардум сукут нахоҳанд кард. Майдон ва майдонҳои Таҳрир эҷод хоҳанд шуд дар саросари кишвар”.

Латифи Пидром баъди тавофуқи Абдуллоҳ Абдуллоҳ ва Ашраф Ғанӣ барои ташкили ҳукумати ваҳдати миллӣ дар пайи интихоботи баҳсбарангези раёсатҷумҳурӣ аз худ ба унвони мухолифи ин ҳукумат дарак дод ва гуфт, тоҷикон дар ин ҳукумат ҳеч ҷойгоҳе надоранд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хушдор ба Зухуров!!!!!
Посух додан
  • мухочир

  • 21 апрел 2016 01:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сад фоиз дуруст

Матолиби ҳамсон:

Бойгонӣ

«    Ноябр 2017    »
ДушСешЧорПанҶумШанЯкш
 12345
6789101112
13141516171819
20212223242526
27282930 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!