Русский  >>  فارسی  >>  Душанбе 16 январ 2017, 17:54

Намояндаи олии ИА: Озодии баён ҳукуматро маҷбур ба ҷавобгарӣ мекунад

3 май 2016, 16:57

Федерика Могеринӣ, намояндаи олии Иттиҳоди Аврупо бо пахши як изҳорот ба муносибати 3 май, Рӯзи ҷаҳонии озодии матбуот гуфтааст матбуоти мустақил, гуногунандеш ва озод барои таъмини демократия ва рушди иқтисодӣ хело муҳим аст ва ҳар як кишвар бояд онро таъсис, нигоҳдорӣ ва ривоҷ бидиҳад.

Тавре намояндагии Иттиҳоди Аврупо дар Тоҷикистон аз қавли Могеринӣ хабар дод, ҷустуҷӯ, дарёфт ва пешниҳоди маълумот қисми ҳуқуқи озодии ақида ва озодии баён мебошад. Дар изҳороти Могеринӣ омадааст: “Он ҷузъи муҳими ҳокимияти демократӣ ва рушди демократия аст. Одамон бояд тавонанд ахбори пурра гирифта, ба як ақидае оянд то дар равандҳои қабули қарорҳое, ки ба ҳаёти онҳо таъсир мерасонанд, иштирок кунанд”.

Намояндаи олии Иттиҳоди Аврупо озодии иттилоотиро яке аз абзорҳои идоракунӣ унвон карда, гуфтааст, ки он барои “беҳтар намудан ва ба инкишофи шаффофияти корҳои давлатӣ мусоидат мекунад”.

Бар асоси ин изҳорот озодии баён ҳукуматҳоро маҷбур мекунад барои амалҳои худ ҷавобгар бошанд, “хусусан агар дар натиҷаи дастрасӣ ба иттилоот вайронкуниҳои ҳуқуқи башар ва ё қазияҳои коррупсионӣ фош шаванд”.

“Дастрасӣ ба иттилоот метавонад адолатро ҷорӣ ва ҷубронро таъмин намояд, хусусан баъд аз фош гардидани вайронкуниҳои ҷиддии ҳуқуқи инсон”-омадааст дар изҳороти намояндаи олии Иттиҳоди Аврупо.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!