12 май 2016 11:13Тоҷикистон / Иҷтимоӣ / Видео / Тема дня

Сел дар Файзобод: Хатари тахриб шудани пуле, ки ба Роғун мебарад (АКС+ВИДЕО)

Боронҳои шадиди шаби гузашта дар ноҳияи Файзобод даҳҳо манзилро қисман тахриб кардааст.

Сокинони ин ноҳия ба “Озодагон” гуфтанд, сел ҳамчунин даҳҳо сар чорворо бурда, чандин нақлиёти сабукраву боркаш, кӯлҳои моҳипарварӣ ва даҳҳо гектар замини киштро корношоям кардааст: “Дастикам нуҳ пул хароб шуд. Танҳо дар ҷамоати ба номи Дӯстмурод Алиев ду пуле, ки ба маркази ноҳия мепайваст, вайрон шудааст”.

Як пуле, ки маркази ноҳияро ба шарқи кишвар мепайвандад, хароб шуда, пули дигар, ки асосан дар шоҳроҳи Душанбе-Роғун дуруст шудааст, дар ҳолати садамавӣ қарор дорад: “Агар сел тахминан панҷ дақиқаи дигар давом мекард, он ҳам тахриб мешуд. Ҳоло нозирони роҳ дар назди ин пул истода, ба боркашҳои вазнин иҷоза намедиҳанд, ки рӯи он ҳаракат кунанд.”

Кумитаи ҳолатҳои фавқулодаи Тоҷикистон мегӯяд, шаби гузашта ҳамчунин дар ноҳияҳои Дарвоз, Рӯдакӣ, Ҳисор, Шаҳристон ва Панҷакент низ боронҳои шадид обхезиро дар пай доштаанд. Дар ҳамин ҳол, Оҷонсии ҳавошиносии кишвар мегӯяд, то 15 май дар кишвар ҳаво номусоид шуда, рехтани борону жола дар назар аст.

Мӯҳр

Хабарҳои монанд:

Азим

Ин газаби худо аст. Кадом кавме аз сухани худо ва расулаш саркаши кунанд, инхел мусибатхо бар сарашон меояд мисли СУРИЯВУ ИРОК

Ҷавоб диҳед Иқтибос Шикоят

Алайда

Хамаи ин оқибати динситези ва ба занчир кашидани дини Худованд мебошад. Хукуматдорони ази з аз Худованд битарсед. Хар чанд нафарро бо тухмат вориди зиндон мекунед.

Ҷавоб диҳед Иқтибос Шикоят

Мирзои Ҳоҷимуҳаммад

Офату балоҳо баёнгари норизоияти Аллоҳ аз қавманд. Пас ҳар яки мо, аз хурд то бузург, аз раис то тобеъ, аз мулло тот шогирд, марду зан, пиру барно бояд худро то ҷое гунаҳкор ҳисобида тавба бикунем, пайи ислоҳи хатогиҳои худ шавем, на ин ки дигаронро айбдор бикунем. Агар мухлис бошем ҳамдигарро насиҳат бояд бикунем дар танҳоӣ ва сидқан, агар аз дастамон ояд-пеши роҳи гуноҳу хатоҳоро бигирем, мисли: зулм, ноадолатӣ, шаҳодати дуруғ, беҳаёгиву бебандуборӣ, порахуриву порадиҳӣ, тушмату дуруғ, ҳаққи касхурӣ, оҳору шиканҷа, ноитоатиатии Парвардигор... Хосса масъулияти роҳбарону пешвоён, донишмандону сарватмандон назди Аллоҳ зиёдтар асту подошашон хам вазнинтар...

Ҷавоб диҳед Иқтибос Шикоят

Эзоҳ илова кунед