16 май 2016 09:42Тоҷикистон / Иҷтимоӣ / Видео

Баъд аз сел. Гузориши аксии “Озодагон” аз ноҳияи Рӯдакӣ (+ВИДЕО)

Сокинони ҷамоати деҳоти Зайнабободи ноҳияи Рӯдакӣ, ки сели шаби 12 ба 13 май онҳоро аз тамоми ҷиҳози хона маҳрум кард, мегӯянд, рӯ ба раҳми Худо нишастаанд.

Юсуф Тоҷибоев, бошандаи 70-солаи рустои Комсомоли ноҳияи Рӯдакӣ дар суҳбат ба хабарнигори “Озодагон” гуфт, сел ҳар чизе, ки дар манзилаш дошт, бо шумули орду биринҷ ва телевизору дигар ҷиҳози хона ба ком кашид: “Соати 2-и шаб одамон аз омадани сел хабардор карданду ҳамроҳи 3 келин ва набераҳо хонаро тарк кардем”.

Шукрона Фозиловаи 51-сола, сокини дигари ин деҳа низ гуфт, хонаҳояшон дар ҳолати садамавӣ қарор дошта, чанд рӯз аст, ки шабро дар берун рӯз мекунанд: “Худам ҳамроҳи шавҳарам дар мошин хоб меравем, фарзандонамонро ба хонаи хоҳарам фиристодем”.

Чанд сокини деҳаи Файзобаи ҷамоати Зайнабобод ба хабарнигори мо гуфтаанд, ба ҷуз як нафар касе ба кумаки онҳо наомадааст: “Дирӯз аз номи муфтӣ ба ҳар кадоми мо як қолинӣ оварда доданд, дигар чизе аз касе надидем. Об ҳоҷатхонаҳоро шӯста овардааст, ҳамаи ҷоро бӯйи ахлот гирифтааст. Аққалан ба мо “хлор” диҳанд, то ин ифлосиро тоза кунем”.

Як сокини дигар бо шарти ифшо нашудани номаш гуфт, ба онҳо ҳамчун кумак 2 қуттӣ хокаи либосшӯйӣ додаанд: “Ба ҷойи ҳамин айна беҳтар буд ба мо нон диҳанд. Айнаро хӯрда нашавад”.

Мӯҳр

Хабарҳои монанд:

daler

расмхои таъсирбахш мондед рахмам омад дар хама чо хамин расмхоро партоед мардум рахм кунанд ва рафта ягон чи ёрдам кунанд

Ҷавоб диҳед Иқтибос Шикоят

Рудаки

Хукуматдорон аз шикамчарони сер намешавад худашон дар касрхову мардуми бечора нони хурдан надорад. дар ин сел садхо одам чони худро бохт Озодагон барои чи хабар намедихед? садхо сар чорво нобуд шуд. мардум аз тарс ба дигар шахру нохияхо гурехта рафтаанд магар шумо шудед хабаргузори? чаро хакикатро намегуед? Ягон хукуматдору мансабдор ба ин мардум намегуяд ки чи хол доред?

Ҷавоб диҳед Иқтибос Шикоят

Darvesh

Raisi nohiyai Rudaki kiyai?????

Ҷавоб диҳед Иқтибос Шикоят

Эзоҳ илова кунед