Русский  >>  فارسی  >>  Ҷумъа 23 феврал 2018, 15:42

Салими Аюбзод: “Панҷ маротиба”-ро беҳтар аст “панҷ бор” ё “панҷ раҳ” бигӯем

26 май 2016, 14:18

Салими АЮБЗОД

ПАНҶ МАРОТИБА – ПАНҶ МАРТАБА
Вале беҳтараш – панҷ бор, панҷ раҳ, панҷ дафъа...

Менависанд, ки “ду маротиба” ба Кобул сафар кард ё “се маротиба” ба вазорат шикоят бурд ва монанди инҳо. Асли вожа “маротиб” (аз рутба) ва он худ аллакай ҷамъ аст ва агар панҷ бор дар назар бошад, беҳтар аст танҳои он “мартаба” ё “мартабат” корбаст шавад. Ба маънии “бор”, “дафъа”, “кара”, “карат”, “раҳ”.
Дар ишқи ту бо умеди суде
Сад БОР маро зиён расидааст.
(Анварӣ)

***

Шеъри ӯро баршумурдам, сездаҳ РАҲ сад ҳазор” (Авфӣ)

Камтар, аммо гоҳе дида мешавад, ки “панҷоҳ сарбозон”, “дувоздаҳ навозандагон”, “чаҳор донишҷӯён” менависанд. Яъне, боз ҳам ҳолати “ҷамъ кардани ҷамъ”. Дурусташ -- “панҷоҳ сарбоз”, “дувоздаҳ навозанда”, “чаҳор донишҷӯ”.
“Дусад марди ҷангӣ беҳ аз сад ҳазор” (Фирдавсӣ)



Шарҳи худро бинависед:

Ном:*
E-Mail:
Матни шарҳ:
Посух додан
  • Муҳаммад

  • 26 май 2016 21:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба номи Худованди меҳрубон
Ман ҳайрон мешавам, ин вожаҳо чӣ иртиботе ба Салими Аюбзод дошта бошад? он чӣ ба назар мерасад ин кор кори касоне аст, ки мутахасис дар вожа шиносӣ ҳастанд. Оё Салими Аюбзод мутахасиси вожашиносӣ аст? Салими Аюбзод як журналист аст. Ин кас дар хусусиёти журналистӣ назар бидиҳад на дар вожа шиносӣ.
Бо ташаккур
Посух додан
  • ТОЧИК

  • 27 май 2016 11:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кори неке кардаанд, аз эшон сипосгузорем. Ки кӣ аст ва чӣ ихтисосеро дорад, муҳим нест, аммо гуфтаи ӯ ва далоили он муҳим аст, то манзур дақиқ ва мушаххас бошад. Далоили Салим Аюбзод ҳам мушаххасанд ва дар ин ҷои шак ҳам нест. Кори хайре мекунед "Озодагон"-иён, ҳалолатон бод!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!