Бахшҳо

Баъд аз даъвати Президент: Майсара аз Суғд ба Данғара кӯчид (ВИДЕО)

Як хонавода аз вилояти Суғд баъди пешниҳоди Эмомалӣ Раҳмон, раисиҷумҳури Тоҷикистон дар мавриди кору фаъолияти мардуми ин минтақа дар ноҳияи Данғара ба вилояти Хатлон кӯчидааст.

Эмомалӣ Раҳмон моҳи марти соли равон ҳангоми сафараш ба вилояти Суғд аз сокинони Исфара даъват кард, ба ноҳияи Данғара рафта, дар заминҳои бекорхобидаи он боғҳои зардолу бунёд кунанд: “Шумо дар заминҳои ноҳамвору регзор боғу зардолу бунёд мекунед. Биёед ба Данғара дар он ҷо заминҳои ҳамвор зиёданд, сангу рег надорад. Биёед, мо мусоидат мекунем, заминҳоро бигиред... дар ҳамон ҷо сокин шавед, бо мардуми он ҷо хешу табор шавед, духтар ба шавҳар диҳед, келин кунед. Ҳам мулк обод мешавад ва ҳам ваҳдати миллӣ мустаҳкам мегардад”.

Баъди ин даъват Майсара Тоҳирова ва шавҳараш манзили худро дар ноҳияи Конибодом ба қасди Данғара тарк кардаанд. Аммо онҳо на барои бунёд кардани боғҳои зардолу, балки барои муолиҷаи сокинон омадаанд. Хонум Тоҳирова табиби амрози занона буда, 32 сол таҷрибаи корӣ дорад. Ин зани 55-cола дар суҳбат ба “Озодагон” гуфт, суханҳои Президент дар қалби ӯ инқилоб кард: “Вақте Пешвои миллат моҳи март дар ноҳияи Конибодому Исфара вохурӣ гузаронда гуфтанд, ки мутахасисон ба Данғара равед, кор кунед, байни ҳамдигар тифоқ шавед, ба дили ман ваҳӣ омад. Гуфтам ин сухани Ҷаноби олиро ба замин намегузорам”.

Майсара Тоҳирова мегӯяд, вақте ба ҳузури муовини аввали раиси ноҳияи Данғара омаданд, аз онҳо истиқболи гарм шуд: “Ман гуфтам ҳар ҷойе ки норасоии табиби амрози занона бошад, маро онҷо фиристед. Баъд моро ба рустои Зулол оварданд”.

Хонум Тоҳирова ҳоло дар Бунгоҳи тиббии деҳаи Зулол кор мекунад. Барои зиндагии онҳо биноеро дар ихтиёрашон гузоштаанд, ки дар гузашта ба ҳайси масҷид хизмат мекард. “Ман инҷо ягон хешу табор надоштам, аммо ҳоло бо тамоми табибону сокинони деҳа мисли ақрабо шудаем. Як чизи нав барои ман ин ҷо он буд, ки масалан дар мо ба духтур эътимод намуда, аз рӯйи гуфтаи вай амал мекунанд, аммо ин ҷо хушдоманҳо ҳукм мекунанд, ки келин дар хона таваллуд кунад ё дар бемористон. Ман бо чанд хушдоман суҳбатҳо анҷом додам ва каме ҳам бошад муваффақ шудам, ки андешаи онҳоро тағйир бидиҳам”,-афзуд ӯ.

Майсара Тоҳирова гуфт, яке аз мақсадҳои аслии ӯ коҳиш додани сатҳи бемориҳои занона, ба вижа камхунӣ ва ҷоғар мебошад: “Боз қасд дорам симои Конибодомро дар Хуррамзамин нишон бидиҳам. Ва ба Президенти муҳтарам ваъда медиҳам, ки хизмати шоиста мекунам”.

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)