Русский  >>  فارسی  >>  Панҷшанбе 20 июн 2019, 22:32

Таронаи Юлдуз Усмонова дар бораи ҳамоиши Созмони ҳамкориҳои Шанхай (ВИДЕО)

22 июн 2016, 12:53

Юлдуз Усмонова, ҳунарманди мардумии Узбакистон таронаи нави худро ба саммити навбатии Созмони ҳамкориҳои Шанхай (СҲШ) бахшидааст.

Ин ҳамоиш 23-24 июн дар шаҳри Тошканд баргузор мешавад. Торнамои радиои “Озодлик” аз қавли мунақидон, ин таронаро талоши бозгашти Юлдуз Усмонова ба “саҳнаи бузург” унвон кардааст. Шурӯъ аз соли 2005 эҷодиёти Усмонова дар Узбакистон манъ шудааст. Ба иттилои манбаъ, бо вуҷуди доштани иҷозатнома (литсензия)-и “Узбекнаво” ӯро ба саҳнаи бузург роҳ намедиҳанд ва садои ӯ аз радио ва телевизион шунида намешавад.

“Овозхони аз ин вазъ норозӣ чанд муддат Узбекистонро тарк намуда, дар Туркия кору зиндагӣ намуд. Соли 2011 ба ватан баргашт ва тамоми талошро кард, ки расман вориди саҳнаи бузург шавад. Кушиш кард, ки манъи ғайрирасмии эҷодиёташро аз байн бубарад. Бо вуҷуди дарёфти литсензия, ҳанӯз наметавонад консертҳои бузург баргузор карда, дар телевизион зоҳир шавад”.

“Озодлик” менависад, ҳатто Гулнора Каримова, духтари бузурги раисиҷумҳури Узбакистон муваффақ нашуд, ин мушкили Усмоноваро бартараф созад: “Баъди он ки 31 декабри соли 2012 Юлдуз Усмонова тавассути Интернет таронаи “Гулисан”-ро, ки ба духтари калони Каримов бахшида шуд, паҳн кард, баҳори соли 2013 ӯро расман ба гала-концерти “Асрлар садоси” (Садои қарнҳо)-и Бунёди “Форуми фарҳанг ва санъати Узбекистон”, марбут ба Гулнора Каримова даъват карданд”.

Ба иттилои манбаъ, духтари президент мехост Усмонова дар ин консерт, ки тавассути телевизиони давлатӣ ва шабакаҳои моҳвораӣ пахш мешуд, ҳунарнамоӣ кунад: “Аммо чанд дақиқа қабл аз анҷоми консерт касе ба Гулнора Каримова занг мезанад ва ӯ баромади Усмоноваро бозмедорад”.

Охирҳои соли гузашта Усмонова боз як бор талош кард, ки ба саҳнаи бузург баргардад. Ин навбат ӯ дар васфи Ислом Каримов тарона хонд ва ӯро “подшоҳ” ном бурд. Аммо ба иттилои “Озодлик” матни Юлдуз Усмонова дар бораи президент таҳрир ва аз он калимаи Каримов хат зада шуд: “Аммо ҳатто ин тарона ҳам натавонист ӯро ба саҳнаи бузург биёрад”.


ТАРОНАИ ЮЛДУЗ УСМОНОВА ДАР БОРАИ ҲАМОИШИ СҲШ



Шарҳи худро бинависед:

Ном:*
E-Mail:
Матни шарҳ:
Посух додан
  • Чамшед

  • 22 июн 2016 13:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман хайронам Юлдуз Усмоноваро мардуми Осиёи Маркази дуст медоранд. Тамоми чахон мешиносандаш. Чаро монеаи санъаташ мешаванду..... Хайр агар бо хамин суруд руи сахна ояд мо хело хам хушхол мешудем. Интизорем! Дар Точикистон хам мухлисони зиёде дорад Юлдуз!!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
А на таджикском почему не поет! ?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!