Бахшҳо

Бахтовар барои муолиҷаи саратон аз Эмомалӣ Раҳмон ёрӣ мехоҳад (ВИДЕО)

Як навраси 17-солаи тоҷик аз раисиҷумҳур ва кулли мардуми саховатманди Тоҷикистон барои муолиҷаи бемории саратонаш ёрӣ мехоҳад.

Бахтовар Раҷабов, сокини маҳаллаи 1 майи шаҳри Кӯлоб мегӯяд, аз ҳафт соли пеш огоҳ шуд, ки ба саратон мубтало шудааст. Ӯ дар суҳбат ба “Озодагон” изҳор дошт, орзуи дар риштаи гуштӣ чемпиони Тоҷикистон шуданро дорад: “Ман ба хотири чемпион шудан, зиндагӣ кардан мехоҳам. Ба саломатиам нигоҳ накарда, ҳар рӯз машқ мекунам. Аммо ин орзуи ман бе кумаки шумо амалӣ намешавад. Аз Ҷаноби олӣ ва нафароне, ки имкон доранд, хоҳиш мекунам барои дар хориҷи кишвар табобат гирифтани ман дасти ёрӣ дароз кунанд”.

Тобонбӣ Аҳмадова, модари Бахтовар мегӯяд, вақте фарзандаш 10 сол дошт, табибон дар рудаи росташ саратонро муайян намуда, бо як ҷарроҳӣ як қисмати рудаашро буриданд. “7 фарзандро бе падар калон намудам. Бахтовар писари хурдиам мебошад. Соли 2005 ба садамаи нақлиётӣ дучор шуда, ду сол роҳ гашта натавонистам, аммо бемории писарам маро бо “чигас” ба по хезонд”,-гуфт ӯ.

Хонум Аҳмадова афзуд, табибон ба писараш танҳо теннисбозиро иҷозат додаанд, аммо чун Бахтовар мехоҳад гуштигири номӣ шавад, ҳамеша машқ мекунад: “Саҳар барвақт хеста, барои машқ кардан ба майдончаи варзишии мактаб меравад. Дар ҳама корҳои вазнини хона ба ман кумак мекунад”.

Модари Бахтовар гуфт, беморӣ ба таълимаш дар мактаб таъсири манфӣ расонд: “Аз дарсҳо қафо монд. Баъзан ҳамсолонаш ӯро таъна мезаданд, ки гирифтори бемории табобатнашаванда аст. Ин чизҳо сабаб шуд, ки баъди хатми синфи 9 дигар ба мактаб нарафт”.

Ӯ мегӯяд, тавони барои муолиҷа ба хориҷи кишвар бурдани фарзандашро надорад ва аз ин рӯ аз мардуми саховатманд кумак мехоҳад.

Саратон як намуди паҳнгаштаи омосҳои бадсифат мебошад, ки аз бофтаҳои пӯсти (эпителӣ) ибтидо мегирад. Бино ба омори Маркази вилоятии саратоншиносӣ дар минтақаи Кӯлоб, танҳо дар шаш моҳи соли равон 134 нафар бо ин беморӣ ба қайд расидааст.

ШУМОРАИ ТЕЛЕФОН БАРОИ ОНҲОЕ КИ МЕХОҲАНД БА БАХТОВАР ЁРӢ БИДИҲАНД: 985 70 23 10


Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)