Русский  >>  فارسی  >>  Чоршанбе 29 март 2017, 01:47

Сангинмоҳ ёрӣ мехоҳад, то сиҳат шуда, соябони сари фарзандон гардад (ВИДЕО)

30 июн 2016, 16:16

Як сокини деҳаи Кишноваи шаҳри Норак барои муолиҷаи бемории қанд ва қалб аз тамоми сокинони саховатманди кишвар ёрӣ мехоҳад.

Сангинмоҳ Раҷабова, ки барои кумакхоҳӣ ба дафтари “Озодагон” омад, мегӯяд, соле пеш шавҳараш дар синни 55 аз дарди қалб даргузашт ва ҳоло ин беморӣ ӯро азият медиҳад: “Барои табобати ӯ маблағ пайдо накардем. Баъди вафоташ ман ба бемории қанду дил гирифтор шудам. Табибон мегӯянд, ки касалиат куҳна нашуда бояд зуд табобат кунӣ, дар ғайри сурат саломатиат хеле бад мешавад”.

Аммо ба гуфтаи хонум Раҷабова, як зиндагии фақирона дошта, имкони муолиҷаро надорад. Ӯ гуфт, соҳиби се духтар аст, ки дар мактаби миёна таҳсил мекунанд: “Маблағе, ки давлат барои фарзандонам медиҳад, барои харидани орду равған сарф мекунам. Мактаб аз хонаи мо қариб 3-4 километр масофа дорад. Ҳатто шароити барои онҳо пойафзол харидан надорам, чӣ расад ба табобати худам”.

Ин сокини шаҳри Норак дар моҳи Рамазон, ки моҳи хайру баракат аст, аз ҳамаи сокинони саховатманди кишвар даъват намуд, барои муолиҷааш дасти ёрӣ дароз кунанд, то “сиҳат шуда, соябони сари фарзандонам гардам. Онҳо ба ғайр аз ман касеро надоранд”.

ШУМОРАИ ТЕЛЕФОН БАРОИ ОНҲОЕ, КИ МЕХОҲАНД БА САНГИНМОҲ РАҶАБОВА ДАСТИ ЁРӢ ДАРОЗ КУНАНД: (+992) 93 133 97 30; 93 177 96 25




Шарҳи худро бинависед:

Ном:*
E-Mail:
Матни шарҳ:
Посух додан
  • Солех

  • 30 июн 2016 18:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Канй хамон миллионероне, мани ман гуфта мегарданд, акаллан хамон закоти молашонро ба ин модари мухточ диханд. Ба фикрам онхо закот не, балки хамон 5 сомонии фитри рузаро ба касе намедиханд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!