Слутский: Тоҷикистон беш аз ҳар кишвари дигар барои вуруд ба Иттиҳодияи иқтисодии АвруОсиё талош мекунад
Леонид Слутский, раиси кумитаи умури Иттиҳодияи давлатҳои мустақили парлумони Русия муътақид аст, Тоҷикистон ба зудӣ майли пайвастан ба Иттиҳодияи иқтисодии АвруОсиёро эълом мекунад.
Ин мақоми Думаи Русия дирӯз, 4 июл гуфтааст: “Тоҷикистон беш аз ҳар кишвари дигар барои ин иқдом талош мекунад”. Аммо ӯ ба дунбол изҳор дошта, ки “ин интихоби як кишвари соҳибихтиёр мебошад. Мо касеро ба худ намекашем”.
Ба гуфтаи Слутский, агар кумитаи Иттиҳодия аризаи расмиро аз Тоҷикистон қабул кунад, “барои амалӣ шудани он фикр мекунем”.
Лента.ру аз қавли раиси кумитаи умури Иттиҳодияи давлатҳои мустақили парлумони Русия гуфтааст, ҳоло иқтисоди Тоҷикистон барои вуруди комили ин кишвар ба Иттиҳодияи иқтисодии АвруОсиё иҷоза намедиҳад. Ин мақоми парлумонии Русия ҳамчунин таъкид кардааст, пайвастани Тоҷикистон ба Иттиҳодия ба пешрафти иқтисоди он ва оддисозии чандин масоили муҳоҷират мусоидат мекунад.
Иттиҳодияи иқтисодии АвруОсиё созмони байналмилалии иқтисодӣ мебошад, ки кишварҳои Арманистон, Қазоқистон, Қирғизистон ва Русия ба он пайвастаанд. Қарордоди таъсиси он соли 2014 имзо шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |