Русский  >>  فارسی  >>  Панҷшанбе 30 март 2017, 18:47

Иқрори ноиби сархатиби масҷиди марказӣ: Аз хориҷ пул мегирифтам

5 июл 2016, 12:17

Орифҷон Эргашев, имомхатиби пешини масҷиди ҷомеи “Тақво” ва ноиби сархатиби масҷиди марказии ба номи Шайх Муслиҳиддини шимоли Тоҷикистон ихтиёран ба мақомоти милиса таслим шудааст.

Тибқи иттилои раёсати умури дохилии вилояти Суғд, Эргашеви 43-сола, истиқоматкунандаи шаҳри Хуҷанд, баъди боздошти шариконаш бо иттиҳоми узвият дар созмони “Ихвон-ул-муслимин” ба хориҷ фирор кард. Аммо дар пайи огоҳӣ аз сабукӣ барои пушаймоншудаҳо ихтиёран ба мақомоти милиса таслим шуда, узвияташро дар созмони мамнӯи “Ихвон-ул-муслимин” иқрор кардааст.

Бар асоси гузориши видеоии раёсати умури дохилӣ Эргашев мегӯяд, замони таҳсилаш дар хориҷ аз соли 1993 то 2001 ба “Ихвон-ул-муслимин” пайваста, маблағи муайян ва иҷорапулӣ мегирифтааст.

Ӯ мегӯяд, давоми қариб 15 сол тайи фаъолияташ ба ҳайси мударриси мадрасаи шаҳри Хуҷанд, имомхатиби масҷиди ҷомеи “Тақво” ва ноиби сархатиби масҷиди ба номи Шайх Муслиҳиддин ба тарғиби ғояҳои “Ихвон-ул-муслимин” машғул будааст: “Аз хориҷ дастуру супоришҳо медоданд ва боз ҳисобот талаб мекарданд. Мақсадашон ташкили давлати исломӣ буд”.

Ба гуфтаи собиқ ноиби сархатиби масҷиди марказии вилояти Суғд ӯ ҳар сол аз хориҷ 3-4 ҳазор доллар мегирифт: “То 10 сар чорво харида, дар идҳо хайру қурбонӣ мекардам. Баъде, ки дӯстонамонро боздошт карданд, ман гурехта рафтам. Фаҳмидам, ки Вазорати умури дохилӣ барои таслимшудаҳо сабукӣ медиҳад ва омада таслим шудам”.

Раёсати умури дохилии вилояти Суғд мегӯяд, феълан тафтиши парвандаи ҷиноӣ алайҳи Эргашев бо назардошти сабукиҳои пешбиникардаи қонунгузорӣ идома дорад.


Шарҳи худро бинависед:

Ном:*
E-Mail:
Матни шарҳ:
Посух додан
  • ислом

  • 5 июл 2016 17:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин гапхо хамаашон дуруг АСТ . Боз як спектакли нав ха ха ха . боз чи накша дошта бошан
Посух додан
  • шахрванд

  • 6 июл 2016 10:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Менависед, ки аз хорич пул гирифтааст. Хами хорич кучо бошад а? Як чизро ки навистед пурра нависед. Ошкор кунед ин хоричро.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ой ягон гунохи вазнин ё чинояте содир накарда бошед бо кадом хотир мегурезед?
Магар аз хамин "демократия" -и хозира Исломи бехтар нест?
Посух додан
  • точикистони нав

  • 8 июл 2016 11:01
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
вкд ягон вакт сухани рост нагуфтааст озодагон наход ту бовар куни

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!