Аз кони нодир дар Мурғоб то ҷамъоварии қонунии тиллою сангҳои қиматбаҳо
Саридораи геологияи Тоҷикистон захираҳои нуқра дар кони Якҷилваи Мурғобро 204 тоннаю 920 кило тасдиқ кардааст, ки яке аз калонтарин ва нодиртарин конҳо дар ҷаҳон ба шумор меравад.
Дар ин бора масъулини Саридораи геология зимни нишасти ахир хабар доданд.
Ба иттилои манбаъ бархилофи Кони Мансур, ки дар ҳар тонна хокаш 50 грам нуқра дорад, дар ҳар тонна хоки кони Якҷилва 640 грам нуқра мавҷуд мебошад.
Саридораи геологияи Тоҷикистон яке аз мушкилоти истихроҷи нуқра дар кони Якҷилваро набудани инфрасохтор, аз ҷумла камбуди барқ ва сардии тоқатфарсо давоми 6 моҳи сол дар ин минтақа хонд.
Инчунин ба иттилои Мурод Хол, сардори Саридораи геологияи Тоҷикистон феълан дар кишвар тарҳе мавриди баррасӣ қарор дорад, ки дар пайи қабули он раванди ҷамъоварии хокаи тилло аз дарёҳо ва сангҳои қиматбаҳо метавонад расмӣ шавад. Дар сурати қабули ин тарҳ ташкили нуқтаҳои қабули тилло ва сангҳои қиматбаҳо аз шаҳрвандон дар назар аст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |