Салафӣ шудани сокинони Душанбе дар қурутобхона
Додгоҳи ноҳияи Исмоили Сомонӣ моҳи равон Хуҷаев Манучеҳр, Ёров Зоирҷон, Юнусов Азиз, Бозоров Хуршедҷон ва Бойматов Фирӯзро дар пайравӣ аз равияи мамнӯи Салафия гунаҳкор дониста, барои 5 солӣ равонаи зиндон кард.
Тавре аз додситонии кулли Тоҷикистон ба "Озодагон" хабар доданд, Хуҷаев Манучеҳр моҳҳои октябр-ноябри соли 2006 аз Душанбе ба шаҳри Хуҷанд рафта, аз “Абдураҳмон” ном шахс таълимоти равияи салафияро омӯхтаст: “Баъди бозгашт ба Душанбе чанд бор бо Ёров, Юнусов, Бозоров ва Бойматов дар қурутобхонаи маҳаллаи 101-ум ҷамъ омада, онҳоро ба Салафия ҷалб кардааст".
Ба иттилои манбаъ Юнусов, Бозоров ва Бойматов дар шабакаҳои иҷтимоӣ ба гурӯҳи “Ҳикмат-14” пайваста, дарсҳои равияи экстремистии “Салафия”-ро омӯхтаанд ва ба ташвиқу тарғиби он машғул гардидаанд.
Бо қарори додгоҳ ҳар узви ин гуруҳ барои 5 солӣ равонаи зиндони низомаш пурзӯр равон гардидаанд. Додситонии кулли Тоҷикистон хотиррасон мекунад, ки “Салафия” дар кишвар иттиҳоди экстремистӣ эътироф ва манъ карда шудааст.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |