21 июл 2016 10:03Тоҷикистон / Иҷтимоӣ / Рӯ ба рӯ / Тема дня

Баъди Ҳоҷӣ Мирзо ва сафири Олмон: Нигаронии раиси Суди Олӣ аз парвандаҳои зиёди ҷиноӣ

Шермуҳаммади Шоҳиён, раиси Додгоҳи олии Тоҷикистон аз афзоиши босуръати парвандаҳои ҷиноятӣ дар кишвар изҳори нигаронӣ карда, изҳор дошт, ки мақомот бояд бештар дар самти пешгирии ҷинояткориҳо кор кунанд.

Шоҳиён, зимни ҷамъбасти фаъолияти 6-моҳаи ниҳоди тобеяш гуфт, тайи нимсолаи гузашта ба судҳои ҷумҳурӣ 6 ҳазору 406 парвандаи ҷиноятӣ ворид шудаанд, ки нисбати ҳамин давраи соли гузашта 1 ҳазору 450 адад зиёд мебошад. Раиси Додгоҳи олӣ афзуд, ки дар маҷмуъ давоми нимсолаи гузашта судҳои кишвар 74 ҳазору 270 парвандаи гражданӣ, оилавӣ, ҷиноятӣ ва маъмуриро дар марҳилаҳои гуногун баррасӣ намудаанд, ки ин шумора нисбат ба ҳамин давраи соли сипаришуда 7 ҳазору 729 адад афзоиш ёфтааст: “Вақте дидам афзоиши парвандаҳо зиёда аз 7 ҳазор шудааст, супориш додам, ки таҳлил карда, маълум намоянд, ки сабаб дар чист. Аз як ҷониб дар Тоҷикистон шумораи аҳолӣ ҳар сол қариб 180 ҳазор нафар зиёд мешавад. Аҳолӣ, ки зиёд шуд, баҳсҳо ва содиршавии ҷиноятҳо низ афзоиш меёбад”.

Бо вуҷуди ин омил Шоҳиён таъкид намуд, ки мақомоти Тоҷикистон бояд бештар ба ҷилавгирии ҷинояткориҳо диққат диҳанд. Ӯ яке аз роҳҳои ҷилавгирии сар задани ҷиноятҳоро, бештар намудани корҳои тарғиботию ташвиқотӣ миёни мардум, арзёбӣ намуд.

Нигаронии Шоҳиён дар ҳолест, ки ахиран Ҳоҷӣ Мирзо ва Ҳолгер Грин, сафири Олмон дар Душанбе низ аз афзоиши ҳабси шаҳрвандони кишвар нигаронӣ карда, зарур хонданд, ки роҳҳои дигари ҷилавгирӣ аз ҷиноятҳо кор бурда шаванд.

Мӯҳр

Хабарҳои монанд:

Точик

Хочи Мирзо бояд Муфти шавад ин Шохиён чи намехохад чи?

Ҷавоб диҳед Иқтибос Шикоят

nabi farhor

Саломалейкум.Ба Худо ман Хочи Мирзоро аз пеш надидаам,лекин 161-номози чумъа (мавъиза)-и вайро тарики дискхо гуш кардаам.Чизе,ки омухтаам,аз рукни Ислом аз ин хазрат мебошад.Худованд умри дарози бобаракаташ дихад.Ман мухлиси ашадии Х.Мирзо хастам.

Ҷавоб диҳед Иқтибос Шикоят

Тракторчии мачнун

Сабаб дар чист мегуяд? Сабаб факат ва факат дар як нохия аст.

Ҷавоб диҳед Иқтибос Шикоят

муҳоҷири меҳнати

бале дуруст қайд кардед оғои Шоҳиён бояд роҳҳои дигарро ҷуст.танҳо аз хатлон 110 нафарро бо иттиҳоми салафия ҳабс кардаед аксари онҳо баъди хондани китоби саҳеҳи бухори риши дароз монда шимҳояшонро кутоҳ кардаанд ин китоб бо фармони пешвои миллат тарҷума ва чоп шудааст оё имом Бухори экстримист буд?оё тарҷумонҳои ин китоб экстримист ва ё мубаллиғони экстримизм ҳастанд?оё амал кардан ба ин китоб экстримизм ҳаст?пас агар ин тавр бошад чаро ин китобро тарҷума ва чоп кардед?

Ҷавоб диҳед Иқтибос Шикоят

али

Сабаби асосии зиёд шудани чиноят, ин проблемахои ичтимои аст. Инсон ки бекор монд, ба хар рох меравад, дузди мекунад, занаш таъна кунад, ки "пул наоварди, кудакот кушна" занаша мезанад, оилавйрони мешавад. Чаноби Шохиён, ба боло расонед, ки чойхои кории хакикй ташкил кунанд, на дар руи когаз, на он коре, ки 500 сомон мохона медиханд

Ҷавоб диҳед Иқтибос Шикоят

Эзоҳ илова кунед