“Тоҷикматлубот” қимат шудани помидор, бодиринг ва сабзиро тасдиқ кард
Сангаков имрӯз, 21 июл зимни нишасти хабарии ин ниҳод, гуфт, “дар ҳақиқат нархи баъзе маҳсулотҳо, аз он ҷумла рӯзҳои ахир нархи бодиринг ва помидор боло рафт”.
Ӯ афзуд, ки нархи сабзӣ феълан баробари 3 сомонӣ буда, нисбати ҳамин давраи соли гузашта 1 сомонӣ қимат мебошад: “Нархи килои картошка 1,8 сомонӣ, нархи пиёз 1,2 сомонӣ мебошад, ки нисбати ҳамин давраи соли гузашта бетағйир мондаанд”.
Муовини сардори раёсати Иттифоқи Тоҷикматлубот дар мавриди сабаби боло рафтани нархи сабзӣ гуфт: “Дар доираи маълумоте, ки ҳамчун коргари хизматрасони соҳаи савдо дорем, асоси нархро истеҳсол ташкил мекунад. Ба ин савол Вазорати кишоварзӣ дақиқтар ҷавоб дода метавонист. Теъдоди заминҳои киштро вазорати кишоварзӣ медонад. Лекин, ташаккулёбии нарх асосан аз истеҳсолот вобастагӣ дорад. Сад дар сад аз ҳамин”.
Ин дар ҳолест, ки Иззатулло Сатторӣ, вазири кишоварзии Тоҷикистон, 20 июл зимни суҳбат дар бораи нархи сабзӣ гуфт, истеҳсоли он кам нашудааст. Ӯ инчунин болоравии нархи сабзиро рад кард: “Нархи сабзӣ имрӯз назар ба соли гузашта бештар нашудааст. Ҳар кило то 2 - 2,2 сомонӣ нарх дорад. Майдони кишти сабзӣ ҳам нисбати солҳои гузашта кам нагардидааст. Дар истеҳсоли сабзӣ мушкиле нест”.
Аммо хабарнигорон дар хитоб ба вазир иттилоъ доданд, ки савдогарон дар бозорҳои пойтахт сабзиро истеҳсоли Қирғизистон муаррифӣ карда, ҳудуди 3-4 сомонӣ мефурӯшанд. Вазири кишоварзӣ гуфт, сабзии Қирғизистонро намедонад, аммо сабзии Тоҷикистон 1,8-2,2 сомонӣ нарх дорад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
