Дастури Президент барои риояи либоси миллӣ ва тасвири бераҳмии террористҳо
Эмомалӣ Раҳмон, раисиҷумҳури Тоҷикистон имрӯз, 22-юми июл дар маросими ифтитоҳи мактаби таҳсилоти миёнаи умумии рақами 91 изҳор дошт, ки ҳушёрии мардум асоси амнияти миллист.
Раисиҷумҳури Тоҷикистон зимни суханронияш аҳли маориф ва волидонро ба таълиму тарбияи беҳтари насли ояндасоз даъват карда, изҳор доштааст, ки “мардуми огоҳ ва дорои сатҳи баланди маърифати сиёсиву ҳуқуқиро ҳеҷ нерӯи ғаразнок ба доми худ кашида наметавонад, зеро огоҳиву ҳушёрии мардум худ пояи асосии суботи сиёсӣ ва амнияти миллӣ мебошад”.
Тибқи иттилои дафтари матбуоти раисиҷумҳури Тоҷикистон Эмомалӣ Раҳмон дар баробари вусъати корҳои ободонӣ, беҳбуди таълиму тарбия барои масъулону фаъолон зарур донист, ки барои пешгирӣ кардани қонуншиканӣ дар байни ҷавонон, гароиш ба гурӯҳу ҳаракатҳои ифротиву террористӣ, риояи одоби муошират ва либоси миллӣ диққати бештар диҳанд.
Дар идома раисиҷумҳури Тоҷикистон аз таркишҳое зикр кардааст, ки чанд рӯз пеш дар Арабистони Саудӣ рух доданд: “Ҳодисаҳои даҳшатноки Ироқу Сурия, Афғонистони ҳамсоя ва кишварҳои дигар бараъло маълум аст, ки ифротиёну террористон ба ҳеҷ кас ва ҳеҷ чиз раҳм надоранд, барои онҳо ҳатто хонаи Худо, зодгоҳи пайғамбари Худо ва дигар ҷойҳои муқаддаси ислом қурб надоранд”.
Эмомалӣ Раҳмон таъкид намудааст, ки дар чунин вазъ мо бояд ҳамеша ҳушёр бошем, ба қадри сулҳу оромӣ ва зиндагии осудаи халқамон расем: “Ватани соҳибистиқлоламонро баробари ҷонамон дӯст дорем, манфиатҳои давлату миллатамонро ҳамеша дар мадди аввал гузорем ва барои бо дастовардҳои арзандаи сокинони пойтахти давлати соҳибихтиёр истиқбол гирифтани ҷашни бузурги 25 — солагии истиқлолияти Тоҷикистони маҳбубамон саъю талош кунем”.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |