26 июл 2016 10:27Тоҷикистон / Сиёсат

Дасткашии Тошканд аз роҳи оҳани Тоҷикистон ва раҳоии Хатлон аз муҳосираи Узбакистон

Усмон Қаландаров, ноиби раиси Роҳи оҳани Тоҷикистон гуфт, гуфтушунидҳо бо Тошканд барои иҷозати ҳаракат тариқи роҳи оҳани Ғалаба-Амузанг-Хатлон то ҳол натиҷае надодаанд.

Қаландаров имрӯз, 26-уми июл дар посух ба суоли “Озодагон” гуфт, ҷониби Узбакистон барои ҳаракати қаторҳо тариқи роҳи оҳани Ғалаба-Амузанг-Хатлон иҷозат надодааст. Ба гуфтаи ӯ роҳи оҳани Тоҷикистон дар ин масир пурра омода аст ва агар Тошканд иҷозат диҳад, ҳаракати қаторҳо дар ин масир фавран аз сар гирифта хоҳад шуд.

Роҳи оҳани “Ғалаба-Амузанг”, ки минтақаи ҷануби Тоҷикистонро бо роҳи оҳани хориҷ аз кишвар мепайвандад, аз сӯи Узбакистон 16 ноябри соли 2010 тахриб шуда, ҳаракат тавассути ин роҳ имконнопазир гардидаст.

Инчунин масъулини Роҳи оҳан гуфтанд, номаи Тошкандро гирифтаанд, ки тибқи он аз 1 август, ҳаракати қаторҳои Узбакистон тариқи қаламрави Тоҷикистон қатъ мешавад. Мақомоти Узбакистон роҳи оҳани Ангрен – Попро ба истифода доданд, ки пойбандии Узбакистонро ба қаламрави Тоҷикистон бартараф кард.

Қаландаров дар маҷмуъ изҳор дошт, ки ҳамкориҳояшон бо ҷониби Узбакистон хуб мебошанд ва имсол ҳаҷми боркашонӣ миёни ду кишвар нисбати солҳои пешӣ афзоиш ёфтааст.

Қаландаров таъкид кард, ки роҳи оҳани Душанбе-Қӯрғонтеппа-Кӯлоб 24-уми август ба истифода дода хоҳад шуд, ки марказро бо ҷануби кишвар мепайвандад. Ӯ илова намуд, ки баъди анҷоми ин тарҳ Тоҷикистон ба оғози сохтмони қитъаи роҳи оҳани Тоҷикистон-Афғонистон-Туркманистон оғоз хоҳад кард.

Ноиби раиси Роҳи оҳан дар мавриди ин тарҳи байналмилалӣ афзуд, ки феълан Тоҷикистону Туркманистон ҳеч мушкиле надоранд: “Танҳо дар Афғонистон ба далели ноамниҳо сармоягузории ин тарҳ ба таъхир афтодаст. Сармоягузории қисмати афғонистонии ин тарҳро Бонки осиёии рушд ба уҳда гирифтааст”.

Мӯҳр

Хабарҳои монанд:

Чоршанбе

Баумед нашавед, ки рохро дубора соз мекунанд. Тезтар хамин рохт Ёвон-Вахдатро созед. Дигар илоч нест. Узбако дар ду сол китъаи мушкилтаринро бо се миллиард доллар (сй км тунел) сохта аз вобастагии мо халос шуд-ку!

Ҷавоб диҳед Иқтибос Шикоят

Точик

Рохи бо Узбакистонро фаромуш кунед агар ваъда хам тиянд дуруг мегуянд фиреб карда вактро мекашонанд.Рохи Туркманистон Афгонистонро обод кунед илтимос бо Об бахр ба Чахон мебарад Точикистонро.Раиси рохи охан рохи Узбакистонро бахона карда нашинед агар номуси точики дошта бошед.

Ҷавоб диҳед Иқтибос Шикоят

Эзоҳ илова кунед