Бахшҳо
26 июл 2016 16:08Тоҷикистон / Тема дня

Вазири тоҷик сабаби қатъи фурӯши барқ ба Қирғизистонро гуфт

Усмоналӣ Усмонзода, вазири энергетика ва захираҳои оби Тоҷикистон далели интиқол наёфтани барқ ба Қирғизистонро ба зиёд шудани талабат ба барқ дар вилояти Суғд рабт дод.

Усмонзода имрӯз, 26-уми июл дар посух ба суоли “Озодагон” гуфт, ҷониби Қирғизистон изҳор дошт, ки ба ивази 2,5 сент омода аст, барқ харад: “Талаботи онҳо 2 миллиард килловат мебошад, ки хеле зиёд аст. Азбаски дар вилояти Суғд корхонаҳои зиёди саноатӣ фаъол шудаанду талабот ба барқ афзоиш ёфтааст, мо содироти барқ ба Қирғизистонро қатъ кардем”.

Ин дар ҳолест, ки ҷониби Қирғизистон ахиран ҳавасмандияшро барои хариди барқ аз Тоҷикистон баён карда, изҳор дошт, ки ҷонибҳо дар масъалаи нархи барқ ба мувофиқа нарасидаанд. Тоҷикистон хостааст, барқро ба Қирғизистон ба ивази 3,2 сентӣ сари ҳар киловат фурӯшад, аммо Қирғизистон хостааст, додугирифт бо нархи соли пешӣ-2,5 сент барои ҳар киловат сурат гирад. Аммо Афғонистон барқи Тоҷикистонро нисбатан қиматтар-ҳудуди 4 сент сари ҳар киловат мехарад.

Усмонзода имрӯз таъкид кард, ки мо бозори барқи Афғонистонро дорем ва тақрибан ҳар моҳ ҳудуди 200 миллион киловат соат ба ин кишвар содир мешавад. Ба гуфтаи вазир дар мавсими имсола то ҳол 638 миллион киловат соат нерӯи барқ ба Афғонистон фурӯхта шудааст.

Ин дар ҳолест, ки қаблан Эмомалӣ Раҳмон, раисиҷумҳури Тоҷикистон гуфт, кишвари мо дар фасли тобистон ба далели набудани хатти интиқол ҳудуди 200 миллион долларро аз даст медиҳад. Ба гуфтаи раисиҷумҳур бо обе, ки аз обанборҳои кишвар дар фасли тобистон бе тавлиди нерӯи барқ раҳо мешавад, имкони истеҳсоли то 5 миллиард киловат соат нерӯ вуҷуд дорад, ки арзиши ин миқдор нерӯ дар бозори минтақа ҳудуди 200 миллион доллар аст.

Вазир ба суоли “Озодагон” дар ин бора гуфт, ҳозир ҳам об аз обанборҳо, асосан Норак бидуни тавлиди барқ раҳо мешавад. Ӯ гуфт, соли гузашта обе, ки муодили 4 миллиард киловат соат буд, бидуни истеҳсоли барқ партов шуд: “Ин мушкил бо бунёди КАСА-1000 ҳалли худро меёбад”.
Мӯҳр
мехмон
Агар хати интикол мебуд дар тобистон низ чун зимистон дар торики мешиштем?? ,,Аввал хеш баъд дарвеш "- гуфтаанд. Агар дар оянда ба мо миллати солим даркор бошад , бояд баркро батамом ба ахолии худ фурухт ,баъдан зиёдатиашро ба хорич!
Чунки даххо кудак дар сармо мемирад ва хазорхо касал мешаванд.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)