АКС: Дастури Президент барои беҳбуди шароити марзбонҳо дар сарҳад бо Афғонистон
Эмомалӣ Раҳмон, раисиҷумҳури Тоҷикистон 27-уми июл зимни боздид аз қисми низомии 2133-и Қӯшунҳои сарҳадии Кумитаи давлатии амнияти миллии Тоҷикистон дар ноҳияи Ҳамадонӣ дастур додааст, ки шароити марзбонҳо боз ҳам беҳтар карда шавад.
Тибқи иттилои дафтари матбуоти раисиҷумҳури Тоҷикистон отряди сарҳадии «Ҳамадонӣ» таъмини амнияти 106.3 километр марзро ба уҳда дорад. Манбаъ мегӯяд, Эмомалӣ Раҳмон зимни боздид аз ин қисми низомӣ бо шароиту сифати будубоши афсарон ва фаъолияти хобгоҳу утоқҳои корӣ шиносоӣ пайда намуда, бо изҳори хушнудӣ барои боз ҳам беҳтару хубтар муҳайё намудани шароити хизматӣ тавсеаҳои муфид дод. Раисиҷумҳури Тоҷикистон зимни суҳбаташ бо марзбонҳо онҳоро ба хизмати содиқона ба халқу Ватан ва риояи савганди ҳарбӣ даъват намуд.
Дафтари матбуоти раисиҷумҳури Тоҷикистон зикр кардааст, ки масъулияти ҳифзи марзи кишвар дар минтақаи Ҳамадонӣ соли 2005-ум пурра бар уҳдаи сарҳадбонони Отряди сарҳадии «Ҳамадонӣ» вогузор гардида, имрӯз тамоми минтақаи сарҳадӣ бо дидбонгоҳ ва постгоҳҳои муосиру муҷаҳҳаз таъмин мебошад ва низоми фаъолияти онҳо ба стандартҳои байналмиллалӣ мутобиқ мебошанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |