Русский  >>  فارسی  >>  Чоршанбе 18 январ 2017, 11:05

(ВИДЕО) Президент таронаи навашро дар ҳалқаи набераҳояш навиштааст

1 август 2016, 13:44

Қурбонгулӣ Бердимуҳаммадов, раисиҷумҳури Туркманистон матни таронаи нави худро дар ҳалқаи ду наберааш иншо кардааст.

Торнамои “Хроника Туркменистана” менависад, ин суруд “Kalbymda sen” ном дошта, идеяи он ҳанӯз овони наврасӣ дар андешаи президент тавлид шудааст.

Бердимуҳаммадов ҳамчунин оҳанге навишта, ки ҳанӯз матни он тавлид нашудааст.

Бори аввал нест, ки президенти Туркманистон маҳорати мусиқидонии худро ба намоиш мегузорад. Соли 2011 ӯ таронаи “Тебе мои белые цветы”-ро иҷро карда буд. Он вақт гуфта шуд, ки матни сурудро худи Бердимуҳаммадов навиштааст, ин дар ҳолест, ки ба навиштаи расонаҳо онро ҳанӯз соли 2009 Давлат Амонликов, овозхони туркман хонда буд.

Як бори дигар раисиҷумҳури Туркманистон дар экранҳо дар нақши ди-ҷей зоҳир гардид.

Қурбонгулӣ Бердимуҳаммадов пайваста шеърҳои худро нашр мекунад. Таронаи “Ба пеш, ба пеш, танҳо ба пеш ватани маҳбуб — Туркманистон”-ро соли 2015 ощанг баста, дар як маврид онро беш аз чор ҳазор нафар сароид ва он ба китоби Рекордҳои Гиннес ворид шуд. “Ба пеш, ба пеш, танҳо ба пеш ватани маҳбуб — Туркманистон” ҳоло шиори Туркманистон маҳсуб меёбад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!