Русский  >>  فارسی  >>  Душанбе 18 феврал 2019, 14:24

Шарҳи Шӯрои уламо: “Мулло”, “эшон”, “мавлавӣ”, “шайх” киро мегӯянд?

2 август 2016, 14:49

Шӯрои уламои Тоҷикистон дар пасманзари афзоиши истифодаи калимаҳои “мулло”, “домулло”, “мавлавӣ”, “шайх” ва “эшон” дар ҷомеа мавқеи корбурди ин вожаҳоро шарҳ додааст.

Шӯрои уламо, ба як корбари сомонааш, ки маънои «мулло», «домулло», «эшон», «тақсир», «сӯфӣ», «мавлавӣ», «шайх», «аллома» ва «мавлоно»-ро пурсидааст, посух додааст, ки ин калимаҳо дар манотиқи мусулмоннишин истифода мешаванд ва ҳамчун унвони эҳтиромӣ ба ҳисоб мераванд: “Дар таърихи гузаштаи миллатамон истилоҳоти мазкур барои касоне нисбат дода мешуд, ки дар мактабу мадраса таҳсил намуда, саводи динӣ ҳосил мекарданд. Дар манотиқи гуногуни кишварамон низ баъзе аз ин калимаҳо маъмул ҳастанд, аз ҷумла дар вилояти Суғд калимаи «домулло» барои ашхоси соҳибэҳтиром ва донишманд истифода бурда мешавад. Дар вилояти Хатлон ва дигар манотиқи кишвар калимаҳои «тақсир», «махдум», «мулло», «сӯфӣ», «эшон» (яъне саидзода), «аллома» ва «шайх» барои ходимони дин ҳамчун унвони эҳтиромӣ мустаъмал ҳастанд”.

Шӯрои уламо афзуд, дар кишварҳои Афғонистону Покистон, Эрону Ҳиндустон ва он манотиқе, ки мардуми суннимазҳаб зиндагӣ мекунанд, калимаҳои «мавлавӣ» ва «мавлоно» истифода мешаванд: “Хулоса ин унвонҳо бештар барои соҳибони илми шаръӣ ва ходимони дин ба кор бурда мешаванд”.

Корбурди унвон ё худ истилоҳҳои мазҳабии “мулло”, “домулло” ва “мавлавӣ”-ю “аллома” ё “муфтӣ”, ки ба руҳониёни исломӣ нисбат дода мешаванд, қаблан низ баҳсеро дар ҷомеа ба миён гузошта буд. Ҳарчанд бархе ин вожаҳо то ҷое маънои луғавии худро доранд, вале чизе, ки баҳсбарангез аст, ин мафҳуми истилоҳӣ ва фарқияти онҳо аз якдигар мебошад.

Дар мавриди киро “мулло”-ву “домулло” ва кадом рӯҳониро “аллома”-ву “мавлавӣ” метавон гуфт, Ҳоҷӣ Акбар Тӯраҷонзода, рӯҳонии саршиноси тоҷик қаблан изҳор дошта буд, ки ин масъала ба урфияти мардум вобаста буда, дар сарчашмаҳои фиқҳӣ дар ин бора чизе наомадааст. Ба қавли ӯ дар Ислом унвон ё рутба вуҷуд надорад ва ин мардум аст, ки худ ба онҳо унвон мегузоранд: "Агар дар мо рӯҳониро “мулло” ё “домулло” гӯянд, пас, дар Афғонистону Покистон ӯро “мавлавӣ” гуфта садо мекунанд. Яъне, аз ин фаҳмида мешавад, ки ҳар қавму миллат вобаста ба урфи хеш рӯҳониёнро ном мегузоранд”.

Ҳоҷӣ Акбар Тураҷонзода вожаи “эшон”-ро низ, ки ҳоло дар Тоҷикистон бо он сайидзодаҳо ном гирифта мешаванд, дар ин бора истисно намедонад. Ӯ гуфт, ин масъала низ вобаста ба урфу одати мардум аст: “Дар баъзе аз минтақаи шимоли кишвар сайидзодаҳоро, ки мо эшон ном мегирем, “тӯра” мегӯянд... ”

Бо ин ҳол, дар муқоиса ба солҳои пеш истифодаи вожаи ҳоҷиву мавлавӣ ва ҳазрату эшону домулло дар ҷомеаи Тоҷикистон зиёд шуда, бештар вақт афроде низ, ки дар умри худ маросими Ҳаҷро анҷом надодаанд, “ҳоҷӣ” ва касеро, ки бо руҳоният пайванде надорад, эшону ҳазрат мегӯянд.


Шарҳи худро бинависед:

Ном:*
E-Mail:
Матни шарҳ:
Посух додан
  • мехмон

  • 2 август 2016 15:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сайидзода ва эшонхо ин унвон ё сулола шуда наметавонад. Вакте ки гуфтаанд :,, Араб аз гайри араб фарке надоранд , агар хар ду мусалмон бошанд " !!
Посух додан
  • Ахмад

  • 2 август 2016 18:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба назар мерасад огози ин бахс натичааш бад маьлум мешавад ки набояд аз ин калимахо истифода кард ва касоне ки худро мулло эшон ва. .. мехисобанд е касоне онхоро ба ин номхо садо мезананд бояд чарима супоранд чун калимаи точики ва чузьи забони точики нест вале дар асл ин кор навьи ислом хароси аст. Бубинед муддати баьд дар рарлумон тасвиб мешавад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Эшон дар амони Аллох бошед.
Посух додан
  • Солехбой

  • 3 август 2016 09:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мусулмон хамаш мусулмон аст. Боз чй лозим чудо кардан? Ун чудокуниро максад манфиат бардоштан аст. Як авлод як чаламулоро мавлавй гуфта аз пушташ пул чамъоварй мекунанд. Ин амалхо хилофи шариат аст.
Посух додан
  • Umar

  • 3 август 2016 21:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бийо эй эшони беадаб худро адаб кун, Мусалмонзодаи тарки насабкун (Барои эшонхоеки мэгуянд мо хучати эшони дорем,ва авлоди мо эшонаст .
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба Солехбой. Чи хел бо " мавлави" гуфтан пул чамъ кардан мумкин? Рохашро мегуфти хуб мешуд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Эшон - ба забони тоҷикӣ онҳо гуфтанӣ гап аст. Яъне ғосибони араб омаданду мардонро кушта занонро ба занӣ гирифтанд ва ана ҳамин эшонҳо, ки имрӯз дар ҳавли даҳонашон гӯшти хом бирён мешавад, аз пушти ин ғосибон ба дунё омаданд. Ин ҷо гапи зиёд лозим нест.
Посух додан
  • мехмон

  • 5 август 2016 22:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Umar,
Ягон хуччат надоранд. Махсусан эшонхои Турачонзодахо.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!