20 авг 2016 08:38Тоҷикистон / Ҷавонон ва варзиш
Дилшод Назаров нишони тиллои олимпиадаро ба гардан овехт
Ӯ гурзро ба масофаи 78.68 метр партоб кард ва аз ҳама рақибони худ пеш гузашт. Медали нуқра бо нишондоди 77,79 метр насиби Иван Тихон, намояндаи Белорус ва нишони биринҷӣ бо натиҷаи 77,73 метр насиби Войтсех Новитски, варзишгари лаҳистонӣ шуд.
Дилшод Назаров пас аз анҷоми қувваозмоӣ ба хабарнигорон гуфтааст, ба натиҷаи аз ин бештар умед баста буд: “Аммо муҳим ин аст, ки нишони тиллоро соҳиб шудем. Хеле хушбахтам”.
Ӯ дар идома афзуда, ҳатто тасаввур намекунад, ки вақте ба Тоҷикистон бармегардад, ҳамватанон чи гуна истиқболаш мегиранд: “Бо назардошти он “лайк”-ҳое, ки дар шабакаҳои иҷтимоӣ мегузоштанд, эҳтимол, тамоми ҷумҳурӣ мунтазири баромади ман буд”.
Дар Бозиҳои XXXI тобистонаи олимпии Рио-де-Жанейрои Бразилия Тоҷикистонро 7 варзишгар намояндагӣ мекард. Аз миёни онҳо танҳо Дилшод қаҳрамони олимпӣ шуд. Шаш варзишгари дигар ҳатто даври интихобиро убур накарданд.
ТАРҶУМАИ ҲОЛ
ДИЛШОД НАЗАРОВ - 6 майи соли 1982 дар шаҳри Душанбе таваллуд шудааст.
- Варзиши сабук, гурзандозӣ.
- Рекорди инфиродиаш 80,71 метр.
- Хатмкардаи Донишкадаи тарбияи ҷисмонии Тоҷикистон (2001) ва Донишгоҳи тиҷорати Тоҷикистон (2006). - Устоди шоистаи варзиши Ҷумҳурии Тоҷикистон. - Мураббиёнаш - модараш Зайтуна Назарова, баъдан Юрий Александрович Пискунов, феълан Владимир Машко. - Соли 2015 бо Ордени Шараф дараҷаи II мукофотонида шудааст. - Барандаи медали нуқраи чемпионати ҷаҳон дар соли 2015 (Пекин, Чин), ғолиби Бозиҳои осиёии солҳои 2006 (Доҳа, Қатар), 2010 (Гуанҷоу, Чин) ва 2014 (Инчон, Кореяи Ҷанубӣ), қаҳрамони секаратаи Осиё дар солҳои 2009 (Гуанҷоу, Чин), 2013 (Пуна, Ҳиндустон), 2015 (Ухан, Чин) мебошад. Бори чорум дар Бозиҳои олимпӣ иштирок мекунад. Дар Бозиҳои олимпии соли 2004-ум дар Афина (Юнон) ноком шудааст. Дар Олимпиадаи соли 2008-ум дар Пекин (Чин) ҷойи 11-ум, дар Олимпиадаи соли 2012-ум дар Лондон (Англия) ҷойи 10-умро гирифтааст. Дилшод Назаров ғолиби Бозиҳои V Осиёи Марказӣ (Душанбе, 2003), барандаи медали нуқраи Бозиҳои Африқову Осиё (Ҳиндустон, 2003), ғолиби Бозиҳои I исломӣ (Арабистони Саудӣ, 2005) ва ғолибу ҷоизадори бисёркаратаи мусобиқоти байналмилалист. Дар байни варзишгари тоҷик аввалин шуда ба Бозиҳои тобистонаи олимпии соли 2016 дар Рио-де-Жанейрои Бразил роҳхат гирифт. Моҳи майи соли гузашта дар мусобиқоти ҷаҳонии силсилаи Гран-при оид ба гурзандозӣ дар Ҷумҳурии Чех бо натиҷаи 79 метру 36 сантиметр мақоми дуюмро касб кард ва ба ҳаққи ширкат дар Бозиҳои олимпӣ дар Рио-де-Жанейро мушарраф шуд. Дилшод Назаров аз моҳи январи соли 2014 муовини раиси Кумитаи ҷавонон, варзиш ва сайёҳии Тоҷикистон мебошад. Инчунин, раиси Федератсияи варзиши сабуки Тоҷикистонро бар уҳда дорад. Оиладор буда, соҳиби ду фарзанд – як писару як духтар мебошад.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
