Русский  >>  فارسی  >>  Чоршанбе 26 июл 2017, 13:27

Amnesty International: Тағйири роҳбар низоми Узбакистонро дигар намекунад

3 сентябр 2016, 10:08

Денис Кривошеев, муовини раҳбари бахши Аврупо ва Осиёи Марказии Amnesty International ё созмони Афви байналмилал мегӯяд, бо иваз шудани раҳбари Узбакистон дар гумон аст, ки низоми саркӯбгароёна дар ин кишвар тағйир ёбад.

Ба гуфтаи ӯ, марги Ислом Каримов ба эҳтимоли зиёд ба вазъи нақзи шадиди ҳуқуқҳои инсон таъсире расонда наметавонад: “Вориси ӯ яке аз атрофиёни наздики Каримов хоҳад буд”.

Денис Кривошеев гуфтааст, давоми 27 соли султаи Каримов ҳуқуқ ва озодӣҳо нақз шуда, шиканҷа ва боздоштҳои ғайриқонунӣ ҷузъи ҷудонопазири низоми додгоҳӣ шуд: “11 сол қабл дар Андиҷон садҳо нафар аз дасти пулис кушта шуданд, аммо муҷримон ҳанӯз муҷозот нашудаанд. Ҳазорон нафар пас аз мурофиаҳои ғайриқонунӣ ба маҳбасҳои Узбакистон партофта шудаанд”.

Бар асоси Қонуни асосии Узбакистон давоми се моҳи оянда, то баргузор шудани интихоботи раёсатҷумҳурӣ кишварро раиси Маҷлиси миллӣ раҳбарӣ мекунад. Ҳоло дар ин мақом Неъматулло Юлдошев нишастааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Бахром

  • 4 сентябр 2016 10:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
озодагон илтимос номатон ро алиш кунед зеро ки дар шумо озоди сухан нест.мардуми бечора ба навиштахои шумо бовар карда каминтария мефристанд амо шумо нашр намекунед.

Матолиби ҳамсон:

Бойгонӣ

«    Июл 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!