Русский  >>  فارسی  >>  Сешанбе 27 июн 2017, 05:07

Баъди ҷоизаи ИМА Ҳалимов раҳбари низомии ДИИШ шуд

5 сентябр 2016, 09:26

Гулмурод Ҳалимов, фармондеҳи собиқи “ОМОН”-и Тоҷикистон раҳбари шохаи низомии гуруҳи террористии “Давлати исломӣ” таъйин шудааст. Дар ин бора пойгоҳи телевизионии alsumaria.tv-и Ироқ хабар додааст.

Як манбаи амниятии Ироқ бидуни ифшои номаш ба ин пойгоҳ гуфтааст, ДИИШ полковники фирории тоҷикро ба ҷойи Абу Умари Шешонӣ (чеченистонӣ) таъин кардааст. Аммо ҳанӯз раҳбарони гуруҳи террористӣ ин хабарро тасдиқ ё рад накардаанд. Расонаҳои марбут ба “Давлати исломӣ” 13 июл аз кушта шудани Абу Умар Шешонӣ дар Ироқ хабар дода буданд.

Раҳбари шохаи низомии ДИИШ таъин шудани Гулмурод Ҳалимов дар ҳолест, ки ИМА эълон кард, барои маълумот дар бораи маҳалли будубоши ӯ 3 миллион доллар ҷоиза медиҳад. 30 август Курт Райс, муовини ёвари Котиби давлатӣ оид ба таҳлилу таҳқиқи таҳдидҳои назди дафтари амнияти дипломатии Департаменти давлатии ИМА дар як суҳбати телефонӣ бо хабарнигорон гуфт, Ҳалимов дар ИМА дар чанд давраҳои омӯзишии мубориза бо терроризм омӯзиш дида, як ҷанговари бисёр ҳирфаӣ мебошад ва аз шеваҳои муборизаи Амрико бо гуруҳҳои террористӣ огоҳ аст. Масъули Департаменти давлатии ИМА огоҳии Ҳалимовро аз шеваҳои мубориза алайҳи терроризм хатарнок хонда, илова намуд, “ин метавонад ба нафъи мо набошад”.

Гулмурод Ҳалимов, фармондеҳи 40-солаи дастаи таъйиноти махсуси ВКД ё “ОМОН”-и Тоҷикистон баъди як моҳи бедарак шуданаш 27 майи соли 2015 тариқи як навори видеоӣ дар интернет аз пайвастанаш ба созмони террористии “Давлати исломӣ” хабар дод. сомонаи хабарии “Арабӣ пресс”-и Лубнон аз ҳалокати Ҳалимов хабар дод, аммо ин иттилоъ аз сӯи расонаҳои марбут ба ДИИШ рад шуд. Ин расонаҳо навиштанд, ки Гулмурод Ҳалимов танҳо маҷруҳ шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Инро хамаи мову шумо медонем, ки Америка пуш аз пода чанг медозаду чихел дар хила гум аст.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Моълум аст, ки Амрико Халимовро ба дарачаи оли бахри хохишхои худаш бардоштанист. Ин кори Амрико хамеша ба хамма маълум аст. Ки медонад, ки хамон вакт Халимовро чунин таълим надода бошад. Ба хар хол Амрикою Россия максадхои хуб надоранд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!