Пешниҳод: Ба Дилшод Назаров стипендияи якумрӣ дода шавад
Як масъули Кумитаи миллии олимпии Тоҷикистон пешниҳод кардааст, ба қаҳрамони бозиҳои олимпии Рио-2016 Дилшод Назаров стипендияи якумрӣ дода шавад.
Нурулло Лоиқов, узви кумитаи иҷроияи Кумитаи миллии олимпӣ ба “Озодагон” гуфт, дар пешниҳодаш ба Ассамблеяи генералии Кумита ҳаҷми ин стипендияро 500 доллари амрикоӣ нишон дод. Ба гуфтаи ӯ, ин стипендия ба Дилшод бояд “барои хизматҳои шоёнаш дар рушди варзиши кишвар” дода шавад.
Ҷаноби Лоиқов афзуд, Ассамблея ин пешниҳодро ба овоздиҳӣ хоҳад гузошт ва дар сурати дастгирӣ ёфтан, Дилшод Назаров ҳар моҳ 500 доллар дарёфт мекунад: “Ин пешниҳод давоми ҳамин моҳ бояд баррасӣ шавад”.
Дилшод Назаров дар Бозиҳои XXXI тобистонаи олимпии соли 2016 дар шаҳри Рио-де-Жанейрои Бразилия гурзро ба масофаи 78.68 метр партоб кард, ки нишондиҳандаи беҳтарини ин сабқат буд. Ӯ аз миёни ҳафт варзишгари тоҷик, ки ба Рио роҳхат гирифтанд, танҳо нафаре буд, ки нишони тиллоии олимпиро ба гардан овехт. Намояндаҳои дигари Тоҷикистон дар марҳилаҳои интихобӣ ноком шуданд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |