Факултаи ҳуқуқи ДМТ: САҲА бояд аз мардум ва Ҳукумати Тоҷикистон узрхоҳӣ намояд
Дар ин изҳороти ҳуқуқшиносони оянда омадааст, ки “ҷомеаи шаҳрвандӣ, ҷавонони кишвар ва дигар қишрҳои ҷомеаи Тоҷикистон имрӯз ба нақшаи тарҳрезинамудаи САҲА ҳангоми ҷаласаи солонааш оид ба ченакҳои инсонӣ дар Варшава бо нафрат нигариста, онро маҳкум менамоянд”.
Ин ҷавонон дар изҳороти худ гуфтаанд, ки “давлати мустақил ва соҳибихтиёри мо имрӯз «рашки» давлатҳои Аврупо гаштааст” ва “таҳти роҳбарии Асосгузори сулҳу ваҳдати миллӣ – Пешвои миллат, Президенти муҳтарам Эмомалӣ Раҳмон ҳар рӯзу ҳар соат пеш рафта истодааст. Ҳасудони ин давлат ва душманони ин миллат аз ибтидо барои монеъ шудан ба ин ҳама пешравиҳо тамоми роҳу воситаҳоро истифода мебурданд ва ҳоло ҳам бурда истодаанд. Чун тамоми ҳиллаву найрангро истифода бурда, диданд, ки тирашон хок хӯрд, роҳи нави сад гузоштан ба рушди кишвари моро пеш гирифтанд”.
Созмонони ҷавонони факултаи ҳуқуқшиносии ДМТ эътирозгарони мухолифро дар ҷаласаи Варшаваи САҲА “чанд хоини ин миллат”, “хоинони фурухташуда”, “бозичаи дасти хоҷагони хориҷӣ”, “манқурт” номида, ба гуфти худ “нақшаи тарҳрезинамудаи САҲА-ро чунин баҳогузорӣ” намудаанд:
“Ба ҷаласаи САҲА оид ба ченакҳои инсонӣ, ки дар Варшава баргузор гардид, роҳ додани мухолифони Ватани мо ва он ҳам шахсоне, ки бо гуноҳи терроризм ва экстремизм дар ҷустуҷӯи байналмилалӣ қарор доранд, зидди мақсаду маромҳои ин созмон буда, пуштибонӣ аз террористон ва дастгиру ҳамфикри ташкилотҳои террористӣ будан маҳсуб меёбад”.
Дар поёни изҳороти худ “ҳамчун ҷавонони ҳуқуқшинос ба САҲА оид ба бартараф намудани чунин камбудӣ ва дубора баргардонидани обрӯ ва мавқеаш дар минтақа якчанд тавсия” додаанд: САҲА бояд бо намояндагони ҲНИТ ва дигар ташкилотҳое, ки дар Ҷумҳурии Тоҷикистон фаъолияташон дар асоси санадҳои байналмилалӣ ва қонунгузории Ҷумҳурии Тоҷикистон манъ карда шудааст, ҳамкориро катъ намояд; ба мардум ва шаҳрвандони ин кишвар, қонунҳои қабулкардаи мақомоти қонунгузории мо ва иродаи халқи Тоҷикистон арҷ гузорад; вазъи ҳуқуқи инсон, риоя ё поймол шудани онро на аз террористон ё хоинони берунӣ, балки аз халқи Тоҷикистон ва шаҳрвандони ин мамлакат пурсон шавад; дастандаркорони нақшаи ғаразнок тарҳрезишудаи ҷаласаи Варшаваро оид ба ченакҳои инсонӣ барои вайрон намудани мақсаду маром ин созмон аз кор ронад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |