Коргардони тоҷик барои филмномаи худ дар Корея сармоя меҷӯяд
Як коргардони тоҷик филмномаи худро ба Ҷашнвораи филми Пусани Кореяи Ҷанубӣ бурдааст.
Шарофат Арабова мегӯяд, ин филмнома дар бораи ҳаёти як зани ҷавони тоҷик бо номи Парвона қисса мекунад, ки қасди фурӯхтани кӯдаки худро дорад. Хонум Арабова ба нашрияи “Arab Times” гуфтааст: “Дар кишвари ман барои чунин филмҳо бозор нест. Саноат ва тавзеъи ин навъи филмҳо ҳам вуҷуд надорад. Бинобар ин филм нахуст дар кишваре пахш мешавад, ки сармоягузорӣ кунад”.
Ба гуфтаи ӯ, дар сурати пайдо шудани сармоягузор ба таҳияи филм, ки “Парвона” ном хоҳад дошт, шурӯъ мекунад.
Шарофат Арабова иштирокчии Академияи синамои Осиёии Пусан мебошад. Соли 2014 нахустин филми ӯ бо номи “Тасфия” ҷоизаи мунақидон ва коршиносони синамобазми байналмилалии “Дидор”-ро аз они худ кард. Соли 2015 дар Ҷашнвораи байналмилалии филми Маскав ба ҳайси довар иштирок доштааст.
Шарофат Арабова фориғутаҳсили Донишгоҳи синамо ва телевизиони Пунаи Ҳиндустон мебошад.
Ҷашнвораи байналмилалии Пусан ҳамасола дар Кореяи Ҷанубӣ баргузор мегардад. Имсол аз 6 октябр шурӯъ шуда ва то 15 октябр идома хоҳад кард.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |