14 окт 2016 16:44Тоҷикистон / Иҷтимоӣ / Дидгоҳи хос / Тема дня

Эълони номи милисаҳое, ки гӯиё аз сайёҳон пул хостаанд

Вазорати умури дохилии Тоҷикистон номи кормандони ин ниҳодро, ки аз ҷониби рӯзноманигорони қазоқ дар тамаъкорию нақзи низоми хидматӣ муттаҳам шуданд, номбар кард.

Тавре аз Вазорати умури дохилии Тоҷикистон ба “Озодагон” иттилоъ доданд, шикояти рӯзноманигорони қазоқ дар мавриди он, ки гӯиё милисаҳои муҳофизи муҷассамаи Исмоили Сомонӣ аз онҳо пул хостаанд, дар доираи лоиҳаи “Хабарнигори фаврӣ” таҳқиқ шуд: “Дар натиҷа, нисбати командири Взвод оид ба муҳофизати иншоотҳои давлатии ШВКД дар ноҳияи И.Сомонӣ капитани милитсия Убайдов Искандар ҷазои интизомӣ дар намуди «Танбеҳ» татбиқ гардида, милитсионерони Взводи мазкур-командири шӯъбача прапоршики калони милитсия Гадоев Сафар ва сержанти калони милитсия Нормаҳмадов Авлиёқул аз сафи мақомоти корҳои дохилӣ озод карда шуданд”.

Манбаъ гуфт, кормандони мазкур бо далели вайрон намудани интизоми хидматӣ аз кор ронда шуданд, аммо зимни бозпурсӣ онҳо тамаъкорӣ ва талаб кардани пул аз шаҳрвандони Қазоқистонро рад карданд.

Таҳқиқи рафтори милисаҳо тоҷик дар маркази Душанбе баъди навиштаи Бақитҷон Буқарбой, рӯзноманигори қазоқ сурат гирифт, ки аз пулталабии милисаҳои назди ҳайкали Исмоили Сомонӣ шикоят кард. Ӯ амали кормандони милисаро, ки бо баҳонаи “имрӯз мавлуд дорам”, пул талаб кардаанд, ба “гадоӣ”-и ҷугиҳо монанд кардааст. Буқарбой навиштааст талабандагии кормандони милиса дар майдони марказии шаҳри Душанбе ӯ ва ҳамроҳонашро дар ҳолати “шок” гузоштааст.

Зери навиштаи Буқарбой дар саҳифааш тули се рӯз бештар аз 400 нафар лайк гузошта, 241 шарҳ навиштаанд. Бархе аз шарҳнависон навиштаи муаллифро тасдиқ карда, рафтори милисаро шармовар хондаанд. Иддаи дигари корбарон гуфтаанд, журналисти қазоқ муболиға карда, бо ғарази шахсӣ матлабро навиштааст.

Мӯҳр

Хабарҳои монанд:

саид

ягон милисаи точик пул намегира и казок хато кардагияи мумкин и казок хов пов дидаи.

Ҷавоб диҳед Иқтибос Шикоят

Озор

Аз милисахои точик баъид аст барои амнияти мардум хизмат мекунем мегуянду вале хилофи конун кор мекунад

Ҷавоб диҳед Иқтибос Шикоят

мехмон

Бакарбой аввал милисахои казокро бин ки чи хел аз точикон пулро бо зури мегиранд!Баъдан худат навиштаи ки милисахои точик талбидаанд на ин ки бо зури гирифтаанд!Байни гирифтан ва талбидан фаркият бисёр!!!

Ҷавоб диҳед Иқтибос Шикоят

банда

Аз ммлисаи фамиляааш Гадоев боз чиро интизор будед?)))

Ҷавоб диҳед Иқтибос Шикоят

Мусо

Кори нагз накардед, Гадоевро бояд кордор намешудед.

Ҷавоб диҳед Иқтибос Шикоят

салом

Ин ҳақиқат дорад ё не. Лекин офарин ба рӯзноманигори Қазоқистон ки ҷуръат доранд ва менависанд ва мисли мо дар даҳон об гирифта ба боло нигоҳ намекунанд. Агар рӯзноманигорони мо фақат дар бораи бесоҳибон менависанд

Ҷавоб диҳед Иқтибос Шикоят

Душанбенец.

Милисахои мо дар хама чо чунин рафтор доранд. Ба дари кадом муасиса надарои мумкин нест ва чунину чунон гуфта пул мепурсанд. Агар хеч нашуд аз он тараф гашти як дуо мегири да бад мегуянд. Дар хакикат холат чунин аст. Шуморашона кам кунеду маъошашона зиёд. Аз хисоби андоз, корупция, палатаи хисоб кам кунед шумораашонро ва маъоши милисаро зиёд. Охир дар чумхури сохибкор намонд ин кадар шумораи тафтишгарон барои ки лозим.

Ҷавоб диҳед Иқтибос Шикоят

Эзоҳ илова кунед