Айни замон дар Душанбе ҳамойиши олимон ва муҳақиқони ҷавон дар мавзӯи «Татбиқи сиёсати давлатии ҷавонон дар шароити соҳибистиқлолӣ» идома дорад.
Тавре ба «Озодагон» аз кумитаи ҷавонон, варзиш ва сайёҳӣ иттилоъ доданд, ин нишаст дар толори раёсати хизмати давлатии назди президент бо иштироки 120 нафар намояндаи олимони ҷавони муассисаҳои олии Тоҷикистон баргузор мешавад. Дар конфронс 120 маърӯза дар се бахш- ҷомеашиносӣ, дақиқ ва биологияю тиб мавриди таҳлилу муҳокима қарор хоҳанд гирифт, ки беҳтаринҳо сазовори диплом ва тӯҳфаҳои хотиравӣ мегарданд. Ин конфронс бо ибтикори кумитаи ҷавонон, варзиш ва саёҳӣ баҳри дастгирии ҷавонони боистеъдоду лаёқатманд, бахшида ба 20-умин солгарди истиқлолият ва дар доираи «Ҳафтаи ҷавонон» доир мегардад. Гуфта мешавад, маҷмӯи маърӯзаҳои илмию амалии олимони ҷавон таҳти унвони «Ҷавонон ва илми муосир» бо фарогири 91 мақолаи илмӣ дар шакли алоҳида мунташир шудааст.
Мӯҳр