Русский  >>  فارسی  >>  Чоршанбе 22 май 2019, 21:34

Ду голи беҷавоби футболбозони тоҷик ба дарвозаи Чин

19 октябр 2016, 08:25

Яккачини ҷавонони Тоҷикистон дидори дуввуми худро дар мусобиқаи қаҳрамонии футболи Осиё бо пирӯзӣ ба анҷом расонд.

Футболбозони то 19-солаи тоҷик шаби гузашта (18 октябр) дар Варзишгоҳи миллии шаҳри Манамаи Баҳрайн ба дарвозаи ҳамсолони худ 2 голи беҷавоб заданд. Ҳисобро дар дақиқаи сеюм Эҳсони Панҷшанбе боз кард ва дар дақиқаи 65 Нуриддин Ҳамроқулов голи дуввумро вориди дарвозаи Чин кард.

Тоҷикистон дар мусобиқаи қаҳрамонии Осиё-2016 ҳамроҳ бо Узбакистону Чин ва Австралия шомили гуруҳи “D” аст. Дар бозии дигари ин гуруҳ мунтахаби Узбакистон тими Австралияро бо ҳисоби 3:2 шикаст дод.

Яккачини ҷавонони Тоҷикистон дар аввалин бозиаш 15 октябр бо ҳисоби 1:2 аз тими Узбакистон мағлуб шуд.

21 октябр дар Варзишгоҳи миллии шаҳри Манамаи Баҳрайн футболбозони тоҷик бо дастаи Австралия қувва меозмоянд.

Дар Мусобиқаи қаҳрамонии Осиё-2016, 16 даста дар чор гуруҳ бо ҳам рақобат мекунанд:

Гуруҳи “А”
Тайланд, Кореяи Ҷанубӣ, Баҳрайн, Арабистони Саудӣ.

Гуруҳи “В”
Кореяи Шимолӣ, Ветнам, Аморати муттаҳидаи Араб, Ироқ.

Гуруҳи “С”
Қатар, Эрон, Ҷопон, Яман.

Гуруҳи “D”
Тоҷикистон, Узбакистон, Чин, Австралия.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!