Русский  >>  فارسی  >>  Ҷумъа 24 май 2019, 10:03

ТАЛКО: Зарбаи буҳрон сахт буд, аммо тавонистем қарзамонро 4 баробар кам кунем

21 октябр 2016, 11:26

Ширкати алюминийи тоҷик, ТАЛКО мегӯяд, сарфи назар аз буҳрони ҷаҳонӣ, ки аз соли 2008 то ҳол идома дорад, тавонистааст, қарзашро қариб 4 баробар то 197,9 миллион доллар поин орад.

Тибқи иттилоияи расмии ин ширкат агар соли 2005 қарзи хориҷии ТАЛКО $724 миллионро ташкил медод, имрӯз он ба $197,9 миллион баробар мебошад.
Игор Сатторов, сардори Департаменти иттилоот ва робита бо ҷомеаи КВД-и «Ширкати алюминийи тоҷик» зимни як ҳамоиш гуфт, буҳрони молиявии солҳои 2013-2016 ба соҳаи саноати алюминий нисбат ба буҳрони солҳои 2008-2009 таъсири бештар расонд: “Тибқи маълумоти Биржаи филизоти Лондон дар 8 моҳи соли ҷорӣ нархи алюминийи аввалия нисбат ба ҳамин давраи соли гузашта тақрибан $200 поин рафта, аз $1760 то $1566 расид”.

ТАЛКО бо зикри хисороти тавлидкунандагони алюминий, ки гуфта мешавад ширкати CHALCO $3 миллиарду 667 миллион, RUSAL $3 миллиарду 046 миллион, ALCOA $1 миллиарду 333 миллион ва HYDRO $883 миллион доллар зарар дидаанд, изҳор дошт, ки ҳаҷми истеҳсоли маҳсулотро муваққатан поин мебарад: “То 23 сентябр миқдори электролизёрҳои амалкунанда 303-торо ташкил дод ва 60-тои дигар омодаи корандозӣ мебошад. Вале, дар шароити мураккаби бамиёномада фаъол кардани онҳо метавонад ба ТАЛКО $30 миллион зарари иловагӣ орад. Бинобар ин, КВД-и «Ширкати алюминийи тоҷик» то анҷоми соли ҷорӣ эҳтимол истеҳсоли алюминийи аввалияро тақрибан 5,1 дарсад коҳиш дода, ба ҷойи 158 ҳазор тоннаи қаблан пешбинишуда 150 ҳазор тонна маҳсулот истеҳсол намояд”.


Шарҳи худро бинависед:

Ном:*
E-Mail:
Матни шарҳ:
Посух додан
  • Darvesh

  • 21 октябр 2016 14:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
...Ширкати алюминийи тоҷик, ТАЛКО мегӯяд, сарфи назар аз буҳрони ҷаҳонӣ, ки аз соли 2008 то ҳол идома дорад, тавонистааст, қарзашро қариб 4 баробар то 197,9 миллион доллар поин орад.
.. Sveta bepul istifoda kardesten khuni mardumi tojika makidesten bo chi vohima doren!!!!!!!!!!!!!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!