Русский  >>  فارسی  >>  Ҷумъа 23 феврал 2018, 15:35

Тасдиқи буҷаи 2017 ва нигаронии Э.Раҳмон аз буҷаи 2016: Сарфа кунед!

27 октябр 2016, 12:45

Эмомалӣ Раҳмон, раисиҷумҳури Тоҷикистон имрӯз, 27-уми октябр дар маҷлиси ҳукумат аз иҷро нашудани нақшаи буҷаи давлат изҳори нигаронӣ карда, ба аъзои ҳукумат дастур додаст, то аз хароҷоти дуюмдараҷа худдорӣ кунанд.

Тибқи иттилои дафтари матбуоти раисиҷумҳури Тоҷикистон дар 9 моҳи соли равон нақшаи қисми даромади буҷа 97 фоизро ташкил дода, ба буҷа 390 миллион сомонӣ кам ворид гардид. Манбаъ мегӯяд, Хадамоти гумрук аз уҳдаи таъмини нақшаи даромади набаромадааст: «Нақшаи даромад аз андоз 100, 4 фоиз ва аз гумрук 87,6 фоизро ташкил дод. Ҳаҷми хароҷот 90, 1 фоиз ва бақияпулиҳо 125 миллион сомониро ташкил намуд».

Эмомалӣ Раҳмон бо изҳори нигаронӣ аз ин вазъ роҳбарони шаҳру ноҳияҳо ва вазирону раисони Кумитаро муваззаф намудааст, ки барои ислоҳи камбудиҳо, иҷрои нақшаи даромад, истифодаи самараноки маблағҳои буҷетӣ, роҳ надодан ба хароҷоти дуюмдараҷа чораҳои мушаххас андешида аз натиҷааш ба Ҳукумати кишвар хулосаҳои зарурӣ пешниҳод намоянд.

Зимни ҷаласаи ҳукумат инчунин лоиҳаи буҷети давлатӣ барои соли 2017 тасдиқ шудааст, ки ба 19 миллиарду 568 миллиону 600 ҳазор сомонӣ баробар буда, нисбати буҷаи соли равон 1 миллиарду 718 миллион сомонӣ зиёд мебошад: “Ҳаҷми умумии хароҷоти буҷети соли 2017 - 19 миллиарду 863 миллион сомонӣ пешбинӣ шуда, барои соҳаҳои иҷтимоӣ 8 миллиарду 286 миллион сомонӣ ҷудо мегардад”.

Ҳукумат баъди тасдиқ лоиҳаи Қонуни Ҷумҳурии Тоҷикистон “Дар бораи Буҷети давлатии Ҷумҳурии Тоҷикистон барои соли 2017” ва дурнамои нишондиҳандаҳои Буҷети давлатӣ барои солҳои 2018-2019-ро барои баррасӣ ба Маҷлиси намояндагон ирсол намудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!