Вазорати мудофиа: Як моҳи даъват бе “облава” гузашт
Вилояти Мухтори Куҳистони Бадахшон нахустин шуда, нақшаи даъвати тирамоҳии наваскаронро 100% иҷро кардааст.
Дар ин бора аз Вазорати мудофиаи Тоҷикистон ба “Озодагон” иттилоъ дода, афзуданд, ки нақшаи даъвати тирамоҳӣ дар вилояти Хатлон-96% ва дар вилояти Суғд- 94%-ро ташкил медиҳад.
Ба иттилои манбаъ, иҷрои нақшаи даъват дар навоҳии тобеи марказ 81%, дар пойтахт 81% ва дар сатҳи ҷумҳурӣ 91%-ро ташкил медиҳад.
Вазорати дифоъ афзуд, тайи як моҳи даъват ба хидмати ҳарбӣ 35 шаҳру навоҳии кишвар аз иҷрои нақша хабар дода, ягон арзу шикоят дар бораи “облава” ворид нагаштааст.
Тибқи фармони Эмомалӣ Раҳмон, раисиҷумҳури Тоҷикистон, ки 3 сентябри соли равон содир шуд, моҳҳои октябр-ноябри соли 2016 “шаҳрвандони ҷинси марди то рӯзи даъват ба синни 18 расида, инчунин шаҳрвандони синну соли калонтари Ҷумҳурии Тоҷикистон, ки ҳуқуқи ба таъхир андохтани мӯҳлати даъват ё озод будан аз даъват ба хизмати ҳарбиро надоранд, барои хизмат ба сафи Қувваҳои Мусаллаҳи Ҷумҳурии Тоҷикистон, қӯшунҳои сарҳадии Кумитаи давлатии амнияти миллии Ҷумҳурии Тоҷикистон, Гвардияи миллии Ҷумҳурии Тоҷикистон, қӯшунҳои дохилии Вазорати корҳои дохилии Ҷумҳурии Тоҷикистон, қӯшунҳои мудофиаи граждании Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва Бригадаи посбоникунандаи Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон” даъват карда мешаванд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |