Имрӯз бозиҳои даври 44-ум ва ё худ охирини сабқати лигаи олии футболи Тоҷикистон баргузор мешаванд.
Дар ин давр дастаҳои «Парвоз» бо ССКА «Помир», «Энергетик» бо «Истиқлол» ва дастаи «Вахш» бо тими «Равшан» миёни ҳам рақобат мекунанд. Бино ба иттилои ФФТ, айни ҳол дар ҷадвали мусобиқот, тими “Равшан”-и Кӯлоб бо 86 имтиёз аз 37 бозӣ дар ҷои аввал аст. Дастаи “Регар-ТадАЗ”-и Турсунзода бо 77 имтиёз аз 33 бозӣ дар мақоми дуюм қарор дорад. Тими “Истиқлол”-и Душанбе, ки ҳамагӣ 28 бозӣ кардааст, бо 72 имтиёз дар зинаи сеюми ҷадвали мусобиқот аст.Нишонзанҳои беҳтарин: Фозил Сатторов аз тими «Равшан» бо 20 тӯб дар ҷои аввал буда, Комил Саидов аз дастаи ССКА «Помир» ва Габриэл Донто аз «Энергетик» бо 19 голӣ зинаи дуюмро касб кардаанд. Юсуф Рабиев аз дастаи «Истиқлол» бо 18 тӯб дар мақоми сеюм қарор дорад.
Ба иттилои манбаъ, рӯзҳои баргузории бозиҳои мавқуфмондаи мусобиқот баъд аз 1-уми декабри соли равон муайян хоҳад шуд.
Мӯҳр