10 ноя 2016 10:55Тоҷикистон / Сиёсат / Дидгоҳи хос / Тема дня

А. Ғоиб: Минбаъд ҳам моли қочоқӣ ва ҳам ҷарима ситонда мешавад

Маҷлиси намояндагони Тоҷикистон имрӯз, 10-уми ноябр тағйиру иловаҳо ба Кодекси ҳуқуқвайронкунии маъмуриро қабул кард, ки бар асоси он ҷарима барои вуруди маҳсулоти қочоқӣ афзоиш меёбад.

Абдуфаттоҳи Ғоиб, сардори Хадамоти гумруки Тоҷикистон зимни муаррифии лоиҳа гуфт, бештар ба воридоти маҳсулоти қочоқӣ шахсони воқеӣ даст мезананд. Ӯ изҳор дошт, ки бар асоси тағйирот ҳаҷми ҷарима барои воридоти маҳсулоти қочоқӣ аз нисф то 2 баробари арзиши молро ташкил хоҳад дод. То ҳол ҳаҷми ҷарима аз нисф то 1 карати арзиши моли қочоқиро ташкил медод.

Инчунин раиси Хадамоти гумрук таъкид намуд, ки минбаъд бо қарори додгоҳ моли қочоқӣ мусодира мешавад: “То ҳол баъди пардохти ҷарима мол ба соҳибкор баргардонда мешуд. Минбаъд ҳам ҷарима пардохт мекунад ва ҳам бо қарори суд мол мусодира мешавад”.

Абдуфаттоҳи Ғоиб ҳадаф аз ин тағйиротро дастгирии соҳибкорону истеҳсолоти ватанӣ, таъмини рақобати солим ва ғанӣ гардондани буҷаи давлат аз ҳисоби ҷаримаҳо гуфт.

Ин дар ҳолест, ки бори охир ҷаримаи соҳибкорон барои вуруди ғайриқонунии мол моҳи апрели соли равон зиёд шуда буд.

Шукурҷон Зуҳуров, раиси Маҷлиси намояндагони дар хитоб ба Абдуфаттоҳи Ғоиб таъкид намуда буд, ки фаъолияти мақомоти гумрук низ беҳтар карда шавад. Ӯ суол гузошта буд, ки “қочоқро кӣ ворид месозад? Ҳамон корманди гумрук. Корманди гумрук дар пост истодааст, мебинад, иҷозат медиҳад. Ва ба таври қочоқ, ки молро ворид карданд, кӣ ҷавобгар аст? Аввал гумрук, баъд ҳамон одами ҷинояткор”.

Мӯҳр

Хабарҳои монанд:

Конундон

Аз бекорон хам андоз ситонидан даркор аст. Чаро факат бояд точирон андоз супоранд????? Ин кишвар моли хама аст хама бояд баробар хизмат кунад бар ин сарзамин. То ба кай бекорон менигаранд кай як точир як корхона месозад то мо рафта кор кунем ?? Сари хар як нафар бекор бояд1,5 то ду сомони хармох андоз банданд. Буйчара пур кардан даркор аст.
Гову хару мургу сагон чаро бояд бехучат зиндаги кунанд ?? Хамаи ин бояд паспорт дошта бошад ва андоз аз хар сари инхо бояд ситонида шавад.
Хватит теперь гуфти Жириновский.

Ҷавоб диҳед Иқтибос Шикоят

ҳуқуқшинос

Нафаҳмидем,дар азия плюс навистанд,ки минбаъд баробари ҷарима худи воситаи нақлиёте,ки моли қочоқ тавассути он оварда шудааст низ мусодира карда мешавад, аммо дар ин ҷо гуфта шудааст,ки баробари ҷарима моли қочоқ мусодира карда мешавад....кадомаш дуруст аст! чаро шарҳи гуногун...ба назарам дар озодагон дуруст нависта шудааст...

Ҷавоб диҳед Иқтибос Шикоят

аловиддин

ҳуқуқшинос,
Аловидин чи гуфт медони??? Урусира ки ай авалш набоши намефами. Азия+ руси нашр мекунад шояд худат нафамиди ранги Аловидин ала ??

Ҷавоб диҳед Иқтибос Шикоят

Эзоҳ илова кунед