10 ноя 2016 11:27Тоҷикистон / Иҷтимоӣ / Дидгоҳи хос / Тема дня

Бахтиёр Сафаров: Дари хонаро муҳр задаанд, дар берун хоб меравем (АКС+ВИДЕО)

Як сокини рустои Ҳушёрии ноҳияи Варзоб мегӯяд, аз қарори додгоҳ дар баҳси манзили аз бибиаш ба ӯ меросмонда розӣ нест.

Ба гуфтаи Бахтиёр Сафаров, тағояш хонаеро, ки аз бибиаш боқӣ монда ва ӯ 16 соли охир онҷо иқомат мекунад, фурӯхтааст: “Ин хона ба модаркалонам Мусоева Норгул тааллуқ дошта, онҷо ман ва модарам зиндагӣ мекардем. Тағоям манзили истиқоматиро ба модарам туҳфа намуда буд”.

Ҷаноби Сафаров ба дафтари “Озодагон” омада, гуфт, тағояш соли 2007 ҳуҷҷатҳои аслии манзилро бо баҳонаи боғе, ки дар назди хона мебошад, ба номи худаш гузаронида, шартномаи ҳуқуқ ба меросро ғайриқонунӣ ба номи худ кардааст: “Дар пайи тақаллубкории ҳуҷҷатҳо шӯъбаи корҳои дохилӣ дар ноҳияи Варзоб нисбати тағоям парвандаи ҷиноӣ боз кард. Тағоям баъд аз ин ариза дод, ки ғалат кардааст ва дигар барои манзил баҳс нахоҳад кард, аммо бо гузашти чанд вақт тавассути додгоҳ ба даъво гузашт”.

Бахтиёр Сафаров афзуд, суди ноҳияи Варзоб онҳоро сокинони муваққатӣ унвон кард, аммо як коллегияи Суди олӣ инро эътироф накард, дар ҳоле, ки дигар ҳайати коллегия ӯро сокини муваққатӣ меҳисобанд: “Ман дар ин манзил 16 сол зиндагӣ карда, дар қайд мебошам”.

Ба иттилои ӯ, ба Прокуратураи генералӣ аз болои ҳалномаи суди ноҳияи Варзоб эътирози назоратӣ бурд, аммо Додгоҳи олӣ ҳалномаи суди ноҳияи Варзобро дастгирӣ намуд. Ин сокини ноҳияи Варзоб мегӯяд, ҳар маблағе, ки давоми ин солҳо ба даст овард, барои таъмиру азнавсозии хона сарф кард, аммо тағояш бо нархи ночизе хонаро фурӯхтааст: “Тағоям хонаро ғайриқонунӣ фурӯхт. Даъвои моро дигар на додгоҳи олӣ, на прокуратура ба назар намегиранд”.

Ба гуфтаи ӯ, дар ин хона бо чор фарзанд ва хоҳараш бо ду фарзандаш зиндагӣ мекунанд, аммо судиҷрочиёни суди ноҳияи Варзоб ва Исмоили Сомонии Душанбе нисбат ба онҳо дағалона рафтор кардаанд: “Онҳо бо намояндагони шӯъбаи корҳои дохила омада, чизу чораи моро аз хона бароварда партофтанд, тирезаҳоро шикаста, дарҳоро муҳр заданд. Мо дигар ҷойи рафтан надорем ва ҳоло ба хона надаромада, дар ҳавлӣ ҳавои сард хобем. Намедонам ин ҳолат то кай идома мекунад?”

Сафаров гуфт, дигар намедонад ба куҷо ва ба кӣ муроҷиат намояд: “Ба Президент ҳам борҳо навиштам, аммо намерасад додам. Дар ягон ҷой кор намекунам. Аз паси судбозӣ дигар маблағе ҳатто барои шаҳр омадан надорам ва аз чанд нафар низ қарздор шудам”.

Ӯ гуфт, дар ҳалли ин масъала ба адолатӣ судӣ бовар дошт, аммо ба додаш нарасиданд, дигар намедонад ба куҷо муроҷиат кунад.

Мӯҳр

Хабарҳои монанд:

Сафармамад

Ба газетаи "Тоҷикистон" муроҷиат намоед, онро дар сатҳи олӣ мехонанд вамаводҳояш таъсирбахашанд

Ҷавоб диҳед Иқтибос Шикоят

Ujas

1 jahon tashakur!!! Milisora bin yagon hujjat dori baroi siyemka .. Uruz a'lon doshtand yagon kambudi boshad ba navor gired! Imruz meguyad yagon hujjat dori!!!!

Ҷавоб диҳед Иқтибос Шикоят

Кухистони

Бародар умедатро аз суди Оли кан. Ин мочаро аз сари ман низ гузаштааст. Суди оли мегуяд хамаи притензия ва аризаро ба хамон суди нохия пешниход кунед ва онхо хамаи хучатхоро хамрохи парванда ба мо мебиёранд. Агар карори суди нохияро бекор кунанд, пас судя бояд чавоб дихад. Бинобарин онхо якдигарро дастгири карда карори суди нохияро дуруст мегуянд.

Ҷавоб диҳед Иқтибос Шикоят

kamolova

Бародарам Сафаров Б. ба Чаноби Оли Асосгузори сулху вахдати миллй Пешвои миллат Мухтарам Эмомали Рахмон мурочиат намоед!Зеро Президенти мо доимо камбагалхоро дасгири менамоянд ва хакикатро руи об мебароранд.
Ноумед нашав ин шо оллох хамаш нагз мешавад.

Ҷавоб диҳед Иқтибос Шикоят

Эзоҳ илова кунед