Ҷӯраева: Бегонагию ноумедӣ муҳоҷиронро дар Русия туъмаи “ДИИШ” мекунад
Гавҳар Ҷӯраева, раҳбари бунёди “Муҳоҷират ва қонун” мегӯяд, фиребкории корфармоён, ноумедӣ ва нақзи ҳуқуқҳои инсонии муҳоҷирон дар Русия онҳоро ба оғуши созмони террористии “Давлати исломӣ” тела медиҳад.
Ҷӯраева дар суҳбат бо “Спутник” гуфтааст, фиребкории корфармоён ва алами муҳоҷирон аз ин вазъ қадами нахустин дар роҳест, ки сӯи “ДИИШ” мебарад: ”Вақте муҳоҷир ба умеди таъмини рӯзгору ба даст овардани маблағ меояду корфармо баъди чанд моҳ ё ҳатто ҳафта ҳаққи меҳнаташро намедиҳад, ӯ меранҷад. Ҳуқуқҳояш нақзу мақсаду ниятҳояш барбод мераванд. Он гоҳ ба хотираш мерасад, ки ӯ дар ин мулк бегона аст ва дунболи роҳҳои дигари қаноатманд кардани арзиши ботинии инсонӣ ва ниёзмандиҳои молияш мешавад. Мутаассифона ҳар дуи инро миссионерҳои сершумори “ДИИШ” пешниҳод мекунанд”.
Раҳбари бунёди “Муҳоҷират ва қонун” мегӯяд, одатан муҳоҷирон ба далели идея ё пул ба “ДИИШ” мепайванданд: “Вақте музди муҳоҷирро намедиҳанд, умедаш барои таъмини рӯзгору хонаводааш, бозгашт ба Ватан ва ифтитоҳи тиҷорати худ барбод меравад. Ин вазъ муҳоҷиронро туъмаи мубаллиғони “ДИИШ” мекунад”.
Тибқи иттилои мақомоти тоҷик дар Сурияю Ироқ, дар сафи созмони террористии “Давлати исломӣ” беш аз 1000 шаҳрванди Тоҷикистон меҷанганд, ки аксари онҳо дар Русия ба ин созмон пайвастаанд. Теъдоди умумии муҳоҷирони тоҷик дар Русия ҳудуди як миллион нафар арзёбӣ мешавад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |