Нашри 14 қиссаи қурбониёни шиканҷа дар Тоҷикистон
Эътилофи ҷомеаи шаҳрвандии Тоҷикистон алайҳи шиканҷа ва беҷазоӣ эълон кард, қиссаҳои такмилёфтаи китоби “Тақдирҳои шикаста, умрҳои бурида…”-ро нашр кардааст.
Аз эътилофи мазкур ба “Озодагон” хабар доданд, ин иқдом ба хотири Рӯзи байналмилалии ҳуқуқи инсон, ки ҳамасола 10 декабр қайд карда мешавад, роҳандозӣ шудааст. Ба иттилои манбаъ, китоб 14 қиссаи воқеии шиканҷа ва муносибати бераҳмона дар Тоҷикистонро фаро гирифтааст: “Китоб ба мардонагиву устувории хешовандон, хотираҳои онҳо дар бораи писарҳо ва шавҳарҳояшон, ки ба зӯроварию худсарӣ аз ҷониби мақомоти ҳифзи ҳуқуқ ва мақомоти қудратии кишвар дучор гардидаанд, бахшида шудааст. Сарфи назар аз бисёр монеаву интизориҳо, онҳо ба адолат боварӣ доранд ва барои ҷазои қонунӣ гирифтани нафарони гунаҳкор кӯшиш мекунанд”.
Эътилофи ҷомеаи шаҳрвандии Тоҷикистон алайҳи шиканҷа ва беҷазоӣ мегӯяд, се сол қабл китоби аввали худро ба табъ расонида, умед доштанд, барои пешгирии шиканҷа, муносибати бераҳмона ва ғайриинсонӣ бо одамон кумак мерасонад: “Мутаассифона, ҳар сол Эътилофи зидди шиканҷа ҳолатҳои нави шиканҷа ва муносибати бераҳмона, аз ҷумла нисбати ҷавононро низ, ки дар натиҷаи истифодаи унсурҳои “дедовшина” дар артиш фавтидаанд, ба қайд мегирад”.
Дар нашри нави китоби “Тақдирҳои шикаста, умрҳои бурида…” 8 қиссаи дар нашри аввал буда ҷой дода шудааст, ки такмил ёфтаанд: “Инчунин, шаш қиссаи нав, ки дар солҳои 2014-2015 ҷой доштанд”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |