Шоҳҷоизаи Камила аз олимпиадаи байналмилалии Русия
Як донишомӯзи тоҷик шоҳҷоизаи XIV-умин олимпиадаи байналмилалии фанни забони русӣ ба номи Пушкинро ба худ ихтисос додааст.
Аз Вазорати маориф ва илми Тоҷикистон ба “Озодагон” хабар доданд, дар ин олимпиада, ки аз 20 то 26 ноябр дар шаҳри Маскав бо ҳузури намояндаҳои 29 кишвар сурат пазируфт, Камила Шаҳидова, хонандаи синфи 11-и Мактаби байналмилалии президентӣ дар шаҳри Душанбе бо шоҳҷоиза қадрдонӣ шуд.
Ба иттилои манбаъ, Камила ягона донишомӯзи тоҷик нест, ки шоҳҷоизаи олимпиадаи байналмилалии фанни забони русӣ ба номи Пушкинро соҳиб гардидааст: “Соли 2008 хонандаи муассисаи таҳсилоти миёнаи умумии № 15 шаҳри Душанбе Кенҷаев Рустам ва соли 2013 хонандаи мактаби Президентии шаҳри Бӯстон Раҳимова Нодира ба ин ҷоиза сазовор гардидаанд”.
Бино ба иттилои Вазорати маориф ва илм шурӯъ аз моҳи январи соли 2016 донишомӯзони муассисаҳои таълимии Тоҷикистон дар олимпиадаҳои байналмилалӣ, ки дар Қазоқистон, Ҳолланд, Гурҷистон, Руминия, Ҳонконг, Амрико, Русия, Ветнам, Шветсария, Эрон ва Индонезия баргузор шуд, иштирок намуда, 127 медал ба даст овардаанд, ки аз ин 21 тило, 33 нуқра ва 73 биринҷӣ мебошад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |