Бахшҳо

Қазияи Ёров: Аз бепулию беадвокатӣ то таъхири баррасии шикояти кассатсионӣ

Додгоҳи Олии Тоҷикистон баррасии шикояти кассатсионии Бузургмеҳр Ёров, адвокати маҳкумшуда ба 23 соли зиндонро то соли 2017 мутаваққиф кардааст.

Хосият Ёрова, хоҳари Бузургмеҳр имрӯз, 29 ноябр ба “Озодагон” гуфт, баррасии шикояти кассатсионӣ, ки моҳи октябр ба Додгоҳи Олӣ пешниҳод гардид, то соли оянда ба таъхир гузошта шудаст: “Шикоят соли дигар дида мешавад. Ҳоло бо 600 саҳифа протокол шинос шуда истодаанд”.

Манбаъ дар мавриди ду парвандаи нави Бузургмеҳр Ёров, ки бар асоси моддаҳои 350 (беэҳтиромӣ нисбати суд) ва 330 (таҳқири намояндаи ҳокимият) изҳор дошт, ки рӯзҳои наздик баррасӣ хоҳанд шуд: “Барои парвандаи нави сеюм, ки бо иттиҳоми қаллобӣ ифтитоҳ шудааст, адвокат надорем. Дигар маблағ надорем. Муфаттиши парванда гуфт, адвокати давлатӣ гирем. Барои адвокати давлатӣ дархост равон шуд, аммо ду ҳафта боз посух нарасидааст. Ягон адвокат розӣ нашуда истодааст, ҳеч кас парвандаро ба уҳда намегирад”.

Ифтитоҳи се парвандаи нав дар ҳолест, ки 6 октябри соли равон Додгоҳи шаҳри Душанбе Бузургмеҳр Ёровро барои 23 сол равонаи зиндони низомаш пӯрзур намуд. Бо ҳукми додгоҳ амволи ӯ комилан мусодира шуда, худаш баъди раҳоӣ 5 сол аз ҳаққи кор дар ташкилоту идораҳо маҳрум мегардад.
Баъд аз ин Додситонии кулли Тоҷикистон алайҳи Бузургмеҳр Ёров, парвандаҳои дигар бо моддаҳои 350 (беэҳтиромӣ нисбати суд) ва моддаи 330 (таҳқири намояндаи ҳокимият) боз кард. Наздикони Ёров он замон гуфта буданд, ки ин парванда дар пайи баҳси Бузургмеҳр бо айдоркунандаи давлатӣ Рустам Тақдирзода боз шудааст: “Бузургмеҳр зимни сухани ниҳоияш дар бораи бародараш Ҷамшед шеъри “Бародарам”-и Муъмин Қаноатро қироат кард ва айбдоркунандаи давлатӣ гуфт, дар бораи парвандаи худат суҳбат кун. Дар ҳамин ҳол миёни Бузургмеҳр ва айбдоркунанда баҳс ба миён омад ва ин парванда низ дар пайи он баҳс кушода шудааст”.

Хосият Ёрова, хоҳари Бузургмеҳр Ёров санаи 17 октябр аз кушодани парвандаи сеюм алайҳи ӯ ба ба “Озодагон” иттилоъ дода гуфт: “Парванда дар пайи шикояти ду нафар аз рӯи моддаи 247-и Кодекси ҷиноӣ боз шудааст”.

Моддаи 247-қаллобӣ, яъне тасарруфи молу мулки ғайр ё ба даст овардани ҳуқуқ ба молу мулки ғайр бо роҳи фиреб ё сӯиистифодаи боварӣ буда, он ҷарима ба андозаи аз дусаду панҷоҳ то сесаду шасту панҷ нишондиҳанда барои ҳисобҳо ё маҳрум сохтан аз озодӣ ба муҳлати то ду солро пешбинӣ кардааст.
Мӯҳр
Шеъри “Бародарам”-и Муъмин Қаноатро ки медона нависад? илтимос!!

Бародар аз Дейтройт
МАВҶИ БАРОДАРӢ
Ба дида нақши рӯи ту, ба гӯш гуфтугӯи ту,
Ҳанӯз аз димоғи ман нарафтааст бӯи ту,
Ба ҷои дур меравад дилам ҳамеша сӯи ту,
Шудам калону омадам кунун ба ҷустуҷӯи ту,
Бародарам,
Бародари ба ҷону дил баробарам!
Замини Украинаро зи сару бар қадам задам,
Ба ҳар диёр дар задам, ба ҳар мазор дам задам,
Зи лавҳаҳои мармарин ба ҳирс ҷуста номи ту,
Бикофтам, наёфтам нишони ноаёни ту,
Бародарам,
Бародари ба ҷону дил баробарам!
Замони кӯдакии ман ту аз ҳама калон будӣ,
Миёни аҳли деҳи мо ҷавони паҳлавон будӣ,
Чанори соябон будӣ, мадори хонадон будӣ,
Вале зи хоксориат ба чашм ноаён будӣ,
Бародарам,
Бародари ба ҷону дил баробарам!
Бигӯ, канӣ мазори ту, мазори хоксори ту?
Ба вақти захми охирин кӣ буд дар канори ту?
Даме фитодӣ бар замин, кӣ буд такядори ту?
Кӣ буд дар нигоҳи ту? Ба чашми интизори ту?
Бародарам,
Бародари ба ҷону дил баробарам!
Ба вақти ҷустуҷӯи ман ба сӯи ман, ба рӯи ман
Кушода буд ҳар даме, ба ҳар даре бародаре, -
Агар туро наёфтам, биёфтам дар ин макон
Ҳазорҳо бародарон, бародарии ҷовидон,
Бародарам,

Бародари ба ҷону дил баробарам!

Ба ҳар диле, ки во шавад, маро ба сина ҷо шавад.
Ба ҳар нигоҳи беғаше, ки нури дидаҳо шавад,
Ба хандаҳои ғамбарор – чу мавҷхои беқарор,
Нигоҳи туст ошкор, ҳаёти туст пойдор,
Бародарам,
Бародари ба ҷону дил баробарам!

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)