05 дек 2016 11:22Тоҷикистон / Сиёсат / Рӯ ба рӯ / Тема дня

Нигаронии прокурор аз бебарқӣ ва пулгирии худсаронаи "Барқи тоҷик"

Хайрулло Саидзода, додситони шаҳри Душанбе ба Маҳмадсаид Убайдуллоев, раиси пойтахт гузориш дод, ки омодагии шабакаҳои барқ ба тирамоҳу зимистони солҳои 2016-2017-ро санҷидаанд ва он нигаронкунанда мебошад.

Тавре аз шаҳрдорӣ ба “Озодагон” иттилоъ доданд, охири ҳафтаи гузашта дар ҷаласа таҳти раёсати Убайдуллоев додситони Душанбе аз таъмин нагардидани дастрасии муназзами сокинони пойтахт ба қувваи барқ интиқод намуд. Ӯ афзудааст, ки бархе аз масъулини шабакаҳои барқи Душанбе, ниҳоди тобеи “Барқи тоҷик” бо сўиистифода аз ваколатҳои мансабӣ маблағҳои пардохткардаи муштариёнро аз худ кардаанд: “Бархе аз нозирони барқ худсарона нишондиҳадаҳои ҳисобкунакҳои барқии муштариёнро тағйир додаанд. Аз рӯи ҳодисаҳои ошкоршуда парвандаҳои ҷиноятӣ оғоз гардидаанд”.

Дар пайи гузориши прокурор Убайдуллоев омодасозии 1242 биноро барои қабули гармӣ, ки аз он 1082 ададашро биноҳои истиқоматӣ ташкил медиҳанд, зарур хонда, афзудааст, ки он бояд пайваставу пайгирона зери назорати қатъии раисони ноҳияҳо ва сохторҳои марбутаи хизматрасон қарор дода шавад.

Раиси Душанбе инчунин Асадулло Раҳимзода, директори ҶСК «Шабакаҳои барқии шаҳри Душанбе»-ро муваззаф кардааст, ки барои расидагии саривақтӣ ба муроҷиатҳои муштариён теъдоди мавҷудаи телефонҳои бовариро бештар кунад. Убайдуллоев аз мақомоти прокуратура хостааст, иҷрои ин дастур ва раванди хизматрасониҳоро аз ҷониби ниҳоди зертавозуни ШСХК «Барки Тоҷик» ба сокинони шаҳр зери назорати доимӣ қарор диҳанд.

Муовини раиси шаҳри Душанбе Лангариева Ҷамила ва сардори Раёсати маорифи шаҳр Фақеров Ҳамидулло супориш гирифтанд, ки давоми як ҳафта муассисаҳои маориф ва тандурустиро бо гармӣ таъмин намоянд.

Мӯҳр

Хабарҳои монанд:

Хушнуд

Хазорон рахмат ба Хайрулло Саидзода, дар нохияи Фирдавсии Шахри Душанбе вокеан ракамхои хисобкунакхоро тагир додаанд. Мардум хеч илоч надоранд, ки чи кор кунанд. Инчунин бо бахонаи он ки хисобкунакхои бархехо гуё кухна шуда бошанд ва дар ким кадом апарати электоронии дигар намехонанд. Хисобкунакхоро худсарона ва бе огохии шахрвандон насб намуда, пеш аз насб кардан алакай хисобкунакхо то 200 , 300 сомони маблаг кор кардаги хастанд. Ва касе ба доди касе намерасад. Ин суханхои прокурори мухтарам дарди чомеа аст, Ташаккур!!

Ҷавоб диҳед Иқтибос Шикоят

Солим

Мактаби раками 1, ки дар маркази шахри Душанбе вокеъ аст тамоман бо гарми таъмин нашудааст. Хонандахо бо куркахои гавс дар синфхонахо мешинанд. Чаро масъулони мактаби мазкур ба зимистон омадаги надидаанд? Раёсати маорифи шахр як ин мактабро тафтиш карда бароед

Ҷавоб диҳед Иқтибос Шикоят

Борон

50 фоизи Мактабхои шахри Душанбе хамингунаанд, дар дехот ангишту хезум алов мекунанд, дар шахр на гармидихаки барки аст, на оби гарм хиччи!!!

Ҷавоб диҳед Иқтибос Шикоят

Шайх

Саидзода Хайрулло бехтарин кадри макомоти прокуратура мешад чош дигар чо хай

Ҷавоб диҳед Иқтибос Шикоят

душанбе

дар мактаби 1, хонандахо бо курпа!!!! ана пешрави дар мактабхо, кори нест дар саераи ба ном Замин.

Ҷавоб диҳед Иқтибос Шикоят

Эзоҳ илова кунед