Русский  >>  فارسی  >>  Шанбе 25 март 2017, 01:05

Далер Шарифов: Дар СММ мегӯям...

16 декабр 2016, 15:48

Раиси муҳтарам!
Ҷанобон ва хонумон, намояндагони кишварҳои узв!
Аз ин минбар ҳамеша ҷумлаҳои зебо ва шомили вожаҳои “таҳаммулгароӣ”, “ҳамзистӣ”, “озодӣ”, “демократия”, “ваҳдат”, “ҳуқуқи башар” ва “шарафу каромати инсон”-у ҳазорҳо сухани баланду боло садо медиҳанд.

Ҳодисаҳои ахири Ховари Миёна, ба хусус авзои сари мардуми мазлуми Ҳалаб омада тақозо мекунад, ки дипломатия ва ҳарфҳои сиёсатписандро канор гузошту пӯстканда ҳарф зад.

Шумо бо шиносномаҳои дипломатӣ аз роҳҳои дур дар тайёраҳои шик мерасед, ҷаласа мегиред, қаҳва менӯшед, қатънома қабул мекунед, вето мекунед, даҳшатафканиҳои инҷову онҷоро маҳкум мекунед, аммо кӯдакон дар Ҳалаб ба гулула баста мешаванд. Ҳоло, лаҳзае биандешед чӣ кардед?

Шумо аз ин минбар гап мезанед ва таҳлилгарҳо мегӯянд: “Ҳой, фалонӣ чӣ ҳарфи ҷолибе гуфт. Беҳмадонӣ чӣ фасоҳате дорад. Он дигарӣ чӣ дипломатияе дорад”.

Касе намегӯяд, ки тамоми инҳо муродифи дурӯғанд. Ҳамин Чуркин бо он изҳороти худ кори шуморо бар рухатон кашид. Чӣ қадар аз инсоният масофа дошта бошӣ, ки ҷуръати гуфтани чунин ҳарфро дошта бошӣ. Кӯдакон зери бомбафканҳои Русия ҷон медиҳанд. Ҳазорон тан дар тафи ҷанги абарқудратҳо месӯзанд. Чуркин баланд мешавад ва мегӯяд кӯдакони Ҳалаб бар рӯйи худ хоку ранг мепошад ва саҳнасозӣ мекунанд. Чаро набояд гуфт, ки он хок бар сари худатон?! Шарматон бод!

Шарматон бод, ки ҳар дақиқае, ки шумо болои ҳарфи ҳамдигар баҳс мекунед онҷо кӯдаке мефавтад. Манзиле тахриб мешавад ва як ҳавзаи фарҳанӣ ва таърих омоҷ қарор мегирад. Бемористон тавони пазириши афроди маълули маҷруҳро надорад. Пойро шикастабандӣ мекунанду пӯстро дарбеҳ. Ҳайфатон бод!

Тамоми чизро аз ин мардум дуздидед; оромиро, осудагиро фараҳу шодии тифлонро. Бар ивазаш ҳам бомбу рокетро барояшон арзонӣ доштед. Эй бехабарон ин кӯдакон ҳоло мазҳаб, дин ва манофеъ надоранд. Онҳо ҳоло дарк намекунанд, ки низом чисту абарқудрат кист. Ҳайфатон бод аз ин тасмимҳову амалҳоятон. Лаънат бар манофеатон!

Шумо ба хотири манофеъ он ҳам дар аксари ҳолат як курсии ғарқи хун инсониятро фаромӯш кардед. Шумо фашизмро аз байн набурдед, онро дубора зинда кардед ва ҳатто бераҳмтар аз он. Шумо, ки ваҳшонияти Гитлеро маҳкум мекунед, аммо айни онро такрор мекунед. Наход манофеи шумо рӯи ҷони кӯдакону занон ҳимоя шавад. Лаънат бар чунин манофеъ!

Дар ҳар кишваре, ки нооромӣ сар бизанад абарқудратҳо ҳатман ду қисмат мешаванд. Ба хотири “манофеъи миллӣ” ва “аз даст надодани муттаҳидони сиёсӣ ва стратегӣ” пушти тарафҳои даргир мавзеъ мегиред. Агар дикторуре аз кишваре ронда шавад барояш сарпаноҳ медиҳед. Чаро набояд ба аъмолаш бирасад? Хиҷолат бикашед!

Шумо аз ин ҳама пешрафту технология ҳарф мезанед. Байни ҳам барои дастовардҳоятон рақобат доред. Тамринҳои муштараки низомӣ мегузаронед. Иддаои фатҳи кайҳон доред. Тарсам аз он ки рӯзе барои он ҳам мардумро ба хоку хун мекашед. Ҳамагии шумо доктори илмҳои аҷибу ғарибе ҳастед. Яке низоъшинос ва дигаре дар риштаи тавсеа ва мудирият ин унвонро дорад. Саввумӣ сулҳофару ваҳдатгарост ва ҷоизаи сулҳи Нобелро дар сина дорад. Суол инҷост, ки чаро тамоми ин илм мунҷар ба ҷилавгирӣ аз хушунат намешавад??? Чаро бидуни кушта шудани кӯдакону занон масъала ҳал намешавд? Дигар ҷое барои ифтихори суханпароканӣ аз ин минбар намондааст!

Шумо таъсиси Созмони миллали муттаҳидро бузургтарин дастоварди асри 20 медонед. Ҳоло, чаро ин дастовард дар ҳаллу фасли даргириҳо дасткутоҳ аст? Пас, дигар набояд намояндаҳои кишварҳо аз номи мардум ҳарф бизананд. Фаровон дидаем, ки фосилаи ҳарфҳои онҳо аз мардум фосилаи замину асмонро дорад.

Замоне фаро расидааст, ки кӯдакони сурӣ бояд, инҷо, аз ин минбар гап бизананд, на чуркиниён.

Ҳарфи охир:

То вақте дар Афғонистон, Фаластин, Сурия, Ироқ, Нигерия, Сомалӣ... мардуми осоишта мемиранд, кӯдакон кушта мешаванд, милёнҳо мардум овора мешавад, шумо оҷизу нотавонед. Вақте шумо ба ҷои кӯмак боз болои мардум рокету бомб мепартоед, инсон нестед. Вақте шумо бо номи Созмони миллали муттаҳид даври ҳам ҷамъ омадаву аз баробарӣ, озодӣ, таҳамулгароӣ, ваҳдат, сухан мегӯед, вале дар Ҳалаб кӯдакон мемиранд, пас шумо дурӯғ мегуед. Шумо рӯи худ ниқоб гузоштаву ҳарф мезанед.

Биёед ниқобҳоро канор гузоред ва бо диду чеҳраи инсонӣ ба ҳодисаҳои ахири олам нигаред.

Далер ШАРИФОВ


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ОФАРИН БА АКЛИ РАСОВУ ИМОНИ КОМИЛАИ.
ХУДО АЗ ШУМО РОЗИ БОШАД БАПОДАРИ ИМОНИ ОМИН
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом ва дуруд бар Миллати Шарифи Точик,ва корбарони сомонаи Озодагон!
Аллох бар Шумо чазои хайр бидихад!
Хело кам инсонхое дидан мумкин, ки исмашон ба сифаташон яксон бошад.
Банда сад дар сад хамфикри шумоям.
Посух додан
  • Воиз

  • 16 декабр 2016 16:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Далерчик чаро дилат ба кудакону заноне намесузад, ки ДИИШ МЕКУШАДУ ГУЛОМ МЕКУНАД... Худата вечно доно мегири ва пардапушона фанатизми динира пуштибони мекуни, фикр мекуни и мардум галу аст, ки намедонад ту ки хасти...
Посух додан
  • 2505

  • 16 декабр 2016 16:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Воқеан зулм болои мардуми мусулмони ҷаҳон хеле зиёд шудааст. Эй кош Худованд дасти ин золимонро кутаҳ созад ва ин ҳама дарду ранҷро аз болои сари эшон дур созад.
Бисёр дилам месузад аммо чи илоҷ...
Посух додан
  • модари Омина

  • 16 декабр 2016 17:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худованд падаратро рахмат кунад бародар Далер. намедонам чи гуям бигирям е бехтараш бимирам то ин ноадолатиро набинам.
Посух додан
  • адл

  • 16 декабр 2016 18:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ахсан бародар бо ин нигохи озоду ибрози акидаат. Вокеан вокеиятро гуфти. Вале афсус чуноне гуфти касе никобро гирифтани нест.
Посух додан
  • Хакикат

  • 16 декабр 2016 19:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чаро Русияро айбдор мекуниву сабабгори асосии хаоси Ховари Миёна- Амрико ва сагхои вафодораш - шохону шайхони арабро ном намегири!?!? Магар Асаду Сурияи дуняви аз исломихои салафии вахши хазорхо маротиб хуб нест?

Далер, ту дилат ба кудакони Халаб намесузад!!! Ту аз нигохи як мусулмони сунни сухан мегуи, ки бечора Асади алавиро чашми дидан надорад! Чаро ту нисбат ба вахшонияти ба ном мухолифини Асад хомуши?!? Кудаки хурдсолро зери шиори такбири араб сар заданд, чаро калимае нанавишти???!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин, Далер! Саломат бошеду сарбаланд!
Аммо кай аз минбари СММ баланд мешавед ва ин ҳарфҳоро хоҳед гуфт(((
Посух додан
  • Мусалмон

  • 16 декабр 2016 23:16
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аллохи мехрабон нигахбонат бародари азиз бехтарин суханхо
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Фикр мекунам ин бетартибихо хамааш як (тичорат) аст ,вактеки хамаи мушкилихову хакикатро бо маблагхои калон харидори ё фурухта мешавад .
Конун хукук ин мафхумхо аз байн мераванд ,бо маблагхо иваз мешаванд
кадри одаму одамгари аз байн меравад.
Гуфтанихо хелохам зиёданду ,он фазое ки барои гуфтанихо бояд бошад озодона мутасифона вучуд надорад ,на бо хама хуш меояд ,боз мегуям танхо бо (маблагхои калон) халу фаслашонро дида мебароянд на аз руи конуну одамгари...
Петар солхои пеш як одамро катл мекардед ин чинояти нобахшидани бо хисоб мерафт ,холо бошад бомбаборон мекунед миллионхоро мекушанд гуё хеч гап нашудааст.
Хамон замон озодиву одамгари ба миён меояд,ки Конуну хукук дар чои авал бошад ,на боигарихову ва на он доллархои захролуд....
Посух додан
  • мунодӣ

  • 17 декабр 2016 07:27
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ҳақиқати гапа зади шери нар
Посух додан
  • Замир

  • 17 декабр 2016 09:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Пешниҳод мекунам инбо инглиси ва руси низ тарҷму шавад!
Посух додан
  • Ф

  • 17 декабр 2016 10:11
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом! Бародар Далер шумо ба таблиготи тундравхои исломи дода нашавед. Бисере аз ин наворхо голливудианд, онхо пеш аз хиенат кардан ба ватани ободу зебояшон бояд андеша мекарданд,ки чунин балое ба сари ин миллат меоранд. Вакте ин хунхурхо бештари Сурияро ишгол карда, сар мебуриданд хама хомуш, инсоф набошад окибаташ хамин. Ин тундравхо хамеша орзуи марг доранд, пас кудаконро сипар накунанд, мард шаванд майдон холи, дуне аз ифлосхо камтар мешавад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ахсан бародар Далер! Дар вокеъ ана хамин гуна суханхо бояд аз минбари СММ садо диханд, аммо баръакс хисоботу суханхои бардуругу бофта садо медиханду халос!
Посух додан
  • Jovid

  • 17 декабр 2016 10:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бехтарин суханхо ! Хурмат мекунам чунин ашхоси гамхори мардумро! Хамеша зинда бошеду ба хама максади некатон худованд расонад! Тарафдори Шумо хастам ва бовари дорам, ки бо чунин амали некатон (чахон хам тарафдори Шумоянд). Харгиз аз ин рохатон руй нагардонед Худованд ёрирасони Шумост, кушиш кунед факат. Фурсату шароит бошад ман хам аз хамон минбар овоз баланд мекунам. Худо нигахбон бошад Шуморо! Озодагон рахмат бо чунин хабархо!
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!