Русский  >>  فارسی  >>  Душанбе 21 август 2017, 05:56

Ҷӯстуҷӯи 6 нафар дар робита ба ҳодисаи маргбори қабристони Хованское

22 декабр 2016, 16:05

Кумитаи тафтишотии Русия дар робита ба қазияи қабристони Хованское 6 нафарро таҳти пайгард қарор додааст.

Ба иттилои ин ниҳод дар робита ба қазияи мазкур 14 кас боздошт ва 1 тан мамнӯъулхуруҷ шудааст. Кумитаи тафтишотии Русия мегӯяд, ин афрод аз рӯи моддаҳои 105 (куштани ду ё чанд кас аз ҷониби гуруҳ бо маслиҳати пешакӣ), моддаи 222 (истифода, фурӯш, нигоҳ доштан ва ҳамлу нақли ғайриқонунии аслиҳа), моддаи 213 (авбошӣ аз сӯи як гуруҳ бо маслиҳати пешакӣ) гумонбар дониста шудаанд.

Аммо манбаъ нагуфтааст, ки шаш нафари мавриди пайгард қароргирифта, шаҳрвандони кадом кишвар ҳастанд.

Ба иттилои расонаҳо, Юрий Чабуев, муттаҳами аслии муноқишаи Хованское аз узвияти Шӯрои ҷамъиятии Кумитаи тафтишотии Русия барканор шудааст.

Муноқишаи маргбори Хованское 14 майи соли равон дар пайи ҳамлаи муштзӯрҳои Русия, аз ҷумла чечену доғистониҳо ба коргарони тоҷики қабристон рух дод. Дар натиҷа се тоҷик кушта ва ҳудуди 10 нафари дигар маҷруҳ шуданд.


Шарҳи худро бинависед:

Ном:*
E-Mail:
Матни шарҳ:
Посух додан
  • шахрванд

  • 22 декабр 2016 21:56
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
"мамнӯъулхуруҷ" ин калима чи маъно дошта бошад?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!