05 янв 2017 09:41---
Раиси Кумитаи телевизион номзади илмҳои иқтисодӣ мешавад
Маҳмадсаид Пирзода, раиси Кумитаи телевизион ва радиои назди ҳукумати Тоҷикистон рисолаи номзадияшро ҳимоя намудааст.
Ин иттилоъро ба “Озодагон” профессор Раҷаб Раҷабов, устоди Донишгоҳи тиҷоратии Тоҷикистон, раҳбари кори илмии Маҳмадсаид Пирзода таъйид намуда, афзуд, дар сурати тасдиқи кори шогирдаш аз сӯи Комиссияи олии аттестатсионии Русия ӯ номзади илмҳои иқтисодӣ хоҳад шуд.
Раҷабов афзуд, мавзӯи кори илмии Пирзода рушди телевизион ва радио буда, аз солҳои 2007 инҷониб сари ин мавзуъ кор карда истодааст: “Ҳимояи кори илмии Маҳмадсаид Пирзода моҳи декабр дар Душанбе сурат гирифт ва барои тасдиқ ба Комиссияи олии аттестатсионии Русия фиристода шуд. То тасдиқ наёбад ҳоло чизе гуфта наметавонем, акнун мо интизорем”.
Маҳмадсаид Пирзода соли 1989 шӯъбаи актёрии Донишкадаи санъатро хатм кардааст. Ӯ як муддат дар театри ба номи Лоҳутӣ фаъолият кардааст. Дар филмҳои ҳунарие монанди “Ашк ва шамшер” ва “Муҳаббат баъди 100 сол” нақш офаридааст.
Соли 1993 ба донишкадаи тиҷорати Тоҷикистон дохил шудааст.
Соли 2000 муовини раҳбари киностудияи “Тоҷикфилм” ва баъди як сол муовини раиси Кумитаи радио ва телевизион таъин шуд. Аз 22 августи соли 2005 раҳбари ТВ “Сафина” таъин гардида, 13 декабри соли 2013 дар курсии муовини аввали вазири фарҳанг такя зад. Аз 16 марти соли 2015 Кумитаи телевизион ва радиои Тоҷикистонро раҳбарӣ мекунад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |