Русский  >>  فارسی  >>  Душанбе 1 май 2017, 01:40

АКС: Пешниҳоди ба номи Шарифи Мисайзод гузоштани мактаби №23

6 январ 2017, 11:13

Масъулини мактаби таҳсилоти миёнаи №23-и рустои Пушёни поёни ноҳияи Восеъ пешниҳод кардаанд, ин муассисаи таълимӣ ба номи журналист Шарифи Мисайзод гузошта шавад.

Исроил Раҷабов, мудири мактаби №23 дар суҳбат ба “Озодагон” гуфт, имрӯз, 6 январ бахшида ба солрӯзи Шарифи Мисайзод дар мактаб маҳфили ёдбуд баргузор мешавад: “Ба ин маҳфил пайвандони марҳум даъват шудаанд. Мо ният дорем дар оянда мактаб ба номи Шарифи Мисайзод гузошта шавад. Ӯ соли 1983 ин мактабро хатм кардааст”.

Ин дар ҳолест, ки шаш сол қабл мактаби №23 номи Юсуф Ваҳҳобов ро гирифта буд. Раҷабов аз Ваҳҳобов “шаҳиди роҳи озодӣ дар солҳои 90” ёд кард.

Шарифи Мисайзод 16 июни соли 2016 дар синни 50 бар асари бемори қалб дар шаҳри Душанбе даргузашт. 17 октябр Иттифоқи журналистон эълон кард, Ҷоизаи ба номи Абулқосим Лоҳутӣ дар соли 2015 дар бахши матбуотро баъд аз марг ба Мисайзод эъто кардаанд.

Шарифи Мисайзод 6 январи соли 1966 ба дунё омадааст. Фориғутаҳсили факултаи филологияи тоҷик (шӯъбаи журналистика)-и Донишгоҳи давлатии миллии Тоҷикистон дар соли 1990 мебошад. Фаъолияти кориро соли 1992 аз идораи Ахбори радиои “Тоҷикистон” шурӯъ карда, яке аз масъулини барномаи машҳури “Хоки Ватан” дониста мешавад.

Солҳои охир аз хабарнигорони фаъоли радиои "Садои Душанбе" буд. Ӯ машқи шеър ҳам мекард ва навиштаҳояш бо тахаллуси Шайдо дар матбуоти даврӣ нашр шудаанд.


АКС: Пешниҳоди ба номи Шарифи Мисайзод гузоштани мактаби №23

АКС: Пешниҳоди ба номи Шарифи Мисайзод гузоштани мактаби №23

АКС: Пешниҳоди ба номи Шарифи Мисайзод гузоштани мактаби №23


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Вокеан Шарифчон инсони хоксору дилчуй буданд. Хар сухану гуфторашон пурмаьниву дилчасп буд... Афсус, ки дар айеми ташаккули акидахошон дунеро падруд гуфтанд. Пас аз даргузашташон хаел мекунам, дар сахнаи "Садои Душанбе" чойи бародари мо холи хозир хам холист. Аз байни мо рафтани чунин шахсиятхои бофархангу заки албатта талафотест, ки ногуфтанист. Ва икдоми маьмурияти мактаби дехае,ки Шарифчон он чо сабак ширифтаанд, боис ба дастгирист ва шоистаи тахсин аст.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Меарзад. Ман чонибдорам
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман зид хастам чунки у ба чамъият ягон хизмати арзанда накардааст. У як журналист буд ки ягон эчодиёте барои бехбудии чамъият аз худ нагуфтааст. Ончи ки ба у навишта медоданд уро аз болои когаз мехонд.
Посух додан
  • Devona

  • 7 январ 2017 15:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ba ehsosot doda nashaved.YAk sol pas uro ham chun Юсуф Ваҳобов faromush mekuned.Agar sar(kalla) doshta boshed, sadho kori hajri digare hast,ki nomi favtidaro "zinda" gardonidan mumkin. Afandi yak harak dosht, shumo maktab dored...
Посух додан
  • Айнӣ

  • 7 январ 2017 16:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар болои кӯҳи Хӯҷамӯъмин ҳукумати ноҳияи Восеъ ҳайкалӣ Н.Д Томинро соли гузашта сохт. Хизматаш солҳои "босмачигарӣ" (ба гуфти урусҳо басмачство) тоҷик куштааст. Худи урусо аз Врангелу Деникин қаҳрамон сохта истодаанд. Яъне муқобилони Томинро.
-Ману ту ҳайкали Томин месозему Мисайзоди бечораро, ки тоҷик буду дар заминҳои ҳамон колхозу деҳа пахта мечиду мақола навишта, мардуми ҳамон маҳалро дар Ҷумҳурӣ ситоиш мекард, номашро канда мепартоем. Маънии кӯҳистонӣ ҳам дар фаҳмиши мардуми донишманд ин -"яъне беақл, аз фарҳанг дур монда"-мебошад.
-Инро ту як бори дигар исбот кардӣ... Мактабатро номашро ба номи Тухачевский мон!...

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!