Русский  >>  فارسی  >>  Панҷшанбе 19 январ 2017, 07:20

Х.Холиқназар: Муносибатҳои Тоҷикистону Эрон дигар тира нест

9 январ 2017, 11:19

Худойбердӣ Холиқназар, раиси Маркази тадқиқоти стратегии наздии Президенти Тоҷикистон дар нишасти хабарии ниҳодаш изҳор дошт, ки дар тирагии равобити Тоҷикистону Эрон худи Эрон муқассир аст.

Ба назари Худойбердӣ Холиқназар дар ҳоли ҳозир равобити Тоҷикистону Эрон тира нест ва мушкилоте, ки вуҷуд дошт, мутаассифона ҳама мушкилоти худи Эрон буд. Эрон бо даъват кардани раиси ҳизбе, ки дар Тоҷикистон террористӣ эътироф шудааст, ба як конфронси сатҳи давлатӣ кореро кард, ки хилофи муносибатҳои дӯстонаи ду кишвар буд: “Вақте дӯсти Шумо душманатонро оварда, дар паҳлӯяш ҷой медиҳад, фикр мекунам кори хубе нест. Ҳоло бошад дар масъалаи муносиботи Тоҷикистону Эрон тирагие, ки ба вуҷуд омада буд, дигар вуҷуд надорад ва мо умедворем, ки иншоаллоҳ муносибатҳо дар давраҳои наздик таҳким меёбад”.

Муносиботи Тоҷикистону Эрон дар поёни соли 2015 баъди даъвати Муҳиддин Кабирӣ, раиси Ҳизби дар Тоҷикистон мамнӯи наҳзати исломӣ дар конфронси "Ваҳдати исломӣ" дар Теҳрон ба сардӣ гароида буд ва Вазорати умури хориҷии Тоҷикистон 29 декабр бо нишони эътироз аз иштироки Муҳиддин Кабирӣ ба сафири Эрон дар Тоҷикистон -- Ҳуҷҷатуллоҳ Фағонӣ ёддошт супорид.

Ҳарчанд баъдан Сироҷиддин Аслов, вазири корҳои хориҷии Тоҷикистон дар мавриди “нота”-и Тоҷикистон ба Эрон изҳор дошт, ки он на нигаронӣ аз ширкати Кабирӣ дар конфронси Теҳрон, балки талош барои ҷалби таваҷҷуҳи Эрон ба ҳамкориҳои минтақавию миллӣ буд. Аммо вазири корҳои хориҷии Тоҷикистон дар нишасти хабарие 4 феврали соли 2016 гуфт, даъвати Муҳиддин Кабирӣ, раиси Ҳизби мамнӯи наҳзати исломӣ ба Эрон наметавонад ба муносиботи ду кишвар таъсиргузор бошад, вале афзуд, дар паҳлӯи ҳайати Тоҷикистон ҷой додани Кабирӣ хилофи бародарӣ ва шарикии ду кишвар буд.

Дар ёддошти мавриди назари Вазорати умури хориҷӣ, аз ҷумла омада буд: “Вазорат бо камоли таассуф таъкид мекунад, ки ба Конфронс собиқ Раиси Ҳизби ифротгаро ва террористии наҳзати исломи Тоҷикистон Муҳиддин Кабирӣ низ, ки нисбаташ барои кӯшиши табадулоти давлатӣ ва ғасби ҳокимияти конститутсионӣ дар Тоҷикистон парвандаи ҷиноятӣ оғоз гардида, айни ҳол ӯ дар ҷустуҷӯи Интерпол қарор дорад, даъват шуда буд. Вазорати корҳои хориҷии Ҷумҳурии Тоҷикистон чунин амали созмондиҳандагони конфронси мазкурро қобили қабул намедонад ва қотеъона изҳор медорад, ки чунин муносибат ба мухолифони давлат ва миллати Тоҷикистон ба равобити ҳасанаи Ҷумҳурии Тоҷикистон ва Ҷумҳурии Исломии Эрон метавонад халал ворид намояд”.

Конфронси “Ваҳдати исломӣ” 27 декабри соли 2015 дар шаҳри Теҳрон, пойтахти Эрон оғоз шуда, то 29 декабри соли 2015 идома ёфта буд. Дар кори он аз Тоҷикистон Сулаймон Давлатзода, раиси Кумита оид ба корҳои дин, танзими анъана ва ҷашну маросимҳои миллӣ, Файзулло Баротзода, раҳбари Маркази исломшиносии назди президент, Сайидмукаррам Абдулқодирзода, раиси Шӯрои уламои Маркази исломии Тоҷикистон иштирок доштанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хуб мешуд, агар Точикистон хамкорихои стратегиро махсувсан дар сохаииктисод бо Эрон бештар мекард.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар солхои шурави аксари (70% мардум дехот)-и мо Эронро ба хотири Гугуш шинохта буданд. вагар на намедонистанд ки чунин кишвари хамзабоне вучуд доранд.
Як пешниход дорам Сарояндаи маъруфу мухочири Эрони, Гугушро дар Навруз ба Точикистон даъват карда ба у унвони давлати дихед. пас Реаксияи Эроно мебинем....

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!